វៀតណាមជឿជាក់កម្ពុជានឹងកាន់តែរីកចម្រើនដោយរុងរឿងថែមទៀត
កប.អនឡាញ - នៅថ្ងៃទី១៨ ខែសីហា ឆ្នាំ២០១៨ ឆ្លើយសំណួររបស់អ្នកកាសែតដែលបានសួរអំពីការដែលសម្តេចអគ្គមហាសេនាបតីតេជោ ហ៊ុន សែន ដែលទើបតែត្រូវបានព្រះមហាក្សត្រត្រាស់បង្គាប់ចាត់តាំងជានាយករដ្ឋមន្ត្រីកម្ពុជានីតិកាលទី ៦ ។ អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានលើកច្បាស់ថា៖
|
|
អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang (រូបថត៖vnanet.vn) |
«ក្នុងនាមជាប្រទេសជិតខាងជិតស្និទ្ធរបស់ប្រទេសកម្ពុជា វៀតណាមអបអរសាទរចំពោះសម្តេចអគ្គមហាសេនាបតីតេជោ ហ៊ុន សែន ដែលទើបតែត្រូវបានព្រះមហាក្សត្រត្រាស់បង្គាប់ចាត់តាំងជានាយករដ្ឋមន្ត្រីកម្ពុជានីតិកាលទី ៦ នៅថ្ងៃទី១៧ ខែសីហា ឆ្នាំ២០១៨។ ក្នុងនាមជានាយករដ្ឋមន្ត្រី សម្តេចតេជោ ហ៊ុន សែន មានភារកិច្ចរៀបចំសមាសភាពរាជរដ្ឋាភិបាលកម្ពុជាដើម្បីសុំសេចក្តីអនុម័តទុកចិត្តពីរដ្ឋសភា។
នេះគឺជាជំហានថ្មីសំខាន់មួយនៃដំណើរការបោះឆ្នោតលើកនេះនៅប្រទេសកម្ពុជា។ វៀតណាមជឿជាក់ថា រដ្ឋសភានិងរាជរដ្ឋាភិបាលថ្មីរបស់កម្ពុជានៅពេលបង្កើតឡើងនឹងបន្តដឹកនាំប្រទេសកម្ពុជាឲ្យកាន់តែរីកចម្រើនរុងរឿងថែមទៀត រួមចំណែកដល់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍនៅតំបន់អាស៊ីអាគ្នេយ៍ និងលើពិភពលោក»៕
បកប្រែដោយ Duy Hoan