ពង្រឹងកិច្ចសហប្រតិបត្តិការក្នុងការផ្សព្វផ្សាយព័ត៌មាន និងការគ្រប់គ្រងសារមន្ទីរនគរបាលជាតិ។
កប.អនឡាញ - នាថ្ងៃទី១៤ ខែមិថុនា នៅទីក្រុងហាណូយ គណៈ ប្រតិភូនៃនាយកដ្ឋានឃោសនាអប់រំ នៃអគ្គនាយកដ្ឋានភស្តុភា - ហិរញ្ញវត្ថុ (ក្រសួងមហាផ្ទៃនៃព្រះរាជាណាចក្រកម្ពុជា) ដឹកនាំដោយលោកឧត្តមសេនីយ៍ឯក Pok So Khon អគ្គនាយករងបានជួបធ្វើការជាមួយនាយកដ្ឋានការងារនយោបាយ នៃអគ្គនាយកដ្ឋាននយោបាយនគរបាលប្រជាជនវៀតណាម ដើម្បីផ្លាស់ប្តូរបទពិសោធន៍ក្នុងការផ្សព្វផ្សាយសារព័ត៌មាន ការបោះពុម្ពផ្សាយ និងការបង្ហោះព័ត៌មានលើបណ្តាញសង្គម និងការគ្រប់គ្រងសារមន្ទីរនគរបាលជាតិ។ លោកឧត្តមសេនីយ៍ទោ Nguyen Thanh Nam អគ្គនាយករងទទួលបន្ទុកអគ្គនាយកដ្ឋានយោបាយនគរបាលប្រជាជនអញ្ជើញជាអធិបតីក្នុងជំនួបនេះ។
    |
 |
|
ទិដ្ឋភាពនៃជំនួប (រូបថត៖ cand.com.vn) |
នៅក្នុងជំនួបនេះ លោកឧត្តមសេនីយ៍ Nguyen Thanh Nam បានថ្លែងថា៖ វៀតណាម និងកម្ពុជាជាប្រទេសជិតខាងមានទំនាក់ទំនងជិតស្និទ្ធពីយូរលង់មកហើយ។ នាពេលកន្លងមក កម្លាំងនគរបាលវៀតណាមបានសហការយ៉ាងជិតស្និទ្ធជាមួយស្ថាប័នមានសមត្ថកិច្ចកម្ពុជាដើម្បីធានាសន្តិសុខជាតិ និងថែរក្សាសណ្ដាប់ធ្នាប់សង្គមនៅប្រទេសនីមួយៗ និងកិច្ចសហប្រតិបត្តិការលើការបណ្តុះបណ្តាលមានការរីកចម្រើនជាវិជ្ជមាន។
ថ្លែងនៅក្នុងជំនួបនេះ លោកឧត្តមសេនីយ៍ឯក Pok So Khon បានរំពឹងថានឹងបានស្វែងយល់អំពីបទពិសោធន៍នៃការងារផ្សព្វផ្សាយព័ត៌មានរបស់កម្លាំងនគរបាលវៀតណាម ។ ជាពិសេសបទពិសោធក្នុងការផ្សព្វផ្សាយអំពីសមិទ្ធផលរបស់នគរបាលកម្ពុជា និងសិក្សាអំពីការអប់រំបណ្តុះបណ្តាល ការអប់រំអំពីប្រពៃណី និងផ្សព្វផ្សាយអំពីការប្រយុទ្ធប្រឆាំងនឹងបទឧក្រិដ្ឋ ជាពិសេសបទល្មើសជួញដូរគ្រឿងញៀន ជួញដូរមនុស្សរបស់ក្រសួងនគរបាលវៀតណាម ...និងការងារបណ្តុះបណ្តាលធនធានមនុស្សសម្រាប់ការងារគ្រប់គ្រងសារមន្ទីរនគរបាល៕
បកប្រែដោយ Thanh Cong