កងទ័ពការពារព្រំដែនខេត្ត Kon Tum យាមល្បាតតាមព្រំដែនជាមួយកងកម្លាំងការពារព្រំដែនខេត្តរតនគីរី
កប.អនឡាញ - ពីថ្ងៃទី៧ ដល់ថ្ងៃទី៨ ខែមិថុនា ប៉ុស្តិ៍ការពារព្រំដែន Sa Loong នៃកងទ័ពការពារព្រំដែនខេត្ត Kontum វៀតណាមបានសហការជាមួយប៉ុស្តិ៍ការពារព្រំដែន O Do នៃកងវរសេនាតូច២០៣ ស្នងការដ្ឋាននគរបាលខេត្តរតនគិរី និងកងអនុសេនាធំ១០៣ នៃតំបន់ប្រតិបត្តិការសឹករងខេត្តរតនគីរីបានយាមល្បាតទ្វេភាគីនៅតាមព្រំដែនដែលទទួលបន្ទុក។
|
|
មន្ដ្រីនិងទាហាននៃអង្គភាពនានាបានដាក់ពង្រាយក្រុមយាមល្បាតទ្វេភាគី (រូបថត៖ bienphong.com.vn) |
មន្ត្រី និងទាហាននៃអង្គភាពនានាបានរៀបចំការយាមល្បាតទ្វេភាគីពីបង្គោលព្រំដែនលេខ៤ ដល់បង្គោលព្រំដែនលេខ៤/១ ដើម្បីពិនិត្យមើលស្ថានភាពនៅតាមតំបន់ព្រំដែន ផ្លាស់ប្តូរ និងដោះស្រាយរាល់បញ្ហាកើតឡើងដែលទាក់ទងទៅនឹងស្ថានភាពសន្តិសុខនៅតំបន់ព្រំដែនដែលគ្រប់គ្រងដោយបណ្តាអង្គភាព
តាមរយៈការយាមល្បាតខ្សែព្រំដែន និងបង្គោលព្រំដែនធានាបាននូវសភាពដូចដើម ហើយសន្តិសុខនយោបាយ សណ្ដាប់ធ្នាប់សង្គមមានស្ថេរភាព។ ប្រជាជនទាំងសងខាងនៃព្រំដែនបានគោរពតាមកិច្ចព្រមព្រៀងនិងបទបញ្ញត្តិនានានៅតាមតំបន់ព្រំដែន គ្មានការឆ្លងដែនខុសច្បាប់ឡើយ៕
បកប្រែដោយ Duy Hoan