កងទ័ពការពារព្រំដែនខេត្ត An Giang វៀតណាមជួបពិភាក្សាជាមួយស្នងការដ្ឋានខេត្តកណ្ដាលនិងខេត្តតាកែវ
កប.អនឡាញ - នាថ្ងៃទី ២៨ មីនា គណៈប្រតិភូបញ្ជាការដ្ឋានកងទ័ពការពារព្រំដែនខេត្ត An Giang វៀតណាមដឹកនាំដោយលោកវរសេនីយ៍ឯក Nguyen Thuong Le មេបញ្ជាការបានទៅបំពេញទស្សនកិច្ចការជាមួយស្នងការដ្ឋានខេត្តកណ្ដាល និងខេត្តតាកែវ។
|
|
តំណាងថ្នាក់ដឹកនាំទាំងបីចុះហត្ថលេខាលើអនុស្សារណៈយោគយល់គ្នា (រូបថត៖ bienphong.com.vn) |
ក្នុងឱកាសនេះដែរ មេបញ្ជាការដ្ឋានកងទ័ពការពារព្រំដែនខេត្ត An Giang និងស្នងការដ្ឋានខេត្តកណ្ដាល និងខេត្តតាកែវបានវាយតំលៃថា នាពេលកន្លងមក ភាគីទាំងពីរបានផ្លាស់ប្តូរព័ត៌មានជារឿយៗដើម្បីក្តាប់ស្ថានភាព ប្រឆាំងនឹងរាល់ឧបាយកលចង់បំបែកបំបាក់សាមគ្គីភាពរវាងប្រទេសទាំងពីរ។
ភាគីទាំងពីរបានផ្តល់យោបល់ជាច្រើនដែលសំដៅលើការជម្រុញទំនាក់ទំនងសហប្រតិបត្តិការក្នុងការបង្ការបង្រ្កាបបទល្មើស ធានាសន្តិសុខ សណ្ដាប់ធ្នាប់នៅតាមតំបន់ព្រំដែនរវាងខេត្ត An Giang ខេត្តកណ្ដាល និងខេត្តតាកែវ ព្រមទាំងលើកឡើងនូវការខ្វះខាតក្នុងកិច្ចសហប្រតិបត្តិការ។
នៅពេលបិទបញ្ចប់ ភាគីទាំងពីរបានចុះហត្ថលេខាលើអនុស្សារណៈយោគយល់គ្នាស្ដីពីកិច្ចសហប្រតិបត្តិការការពារសន្តិសុខព្រំដែន កសាងខ្សែព្រំដែនសន្តិភាព ស្ថិរភាព មិត្តភាព សហប្រតិបត្តិការ និងអភិវឌ្ឍន៍៕
បកប្រែដោយ Thuy Anh