កងទ័ពជើងទឹកវៀតណាមល្បាតរួមគ្នាជាមួយកងទ័ពជើងទឹកខេមរភូមិន្ទ
កប.អនឡាញ - កាលពីថ្ងៃទី ១២ មិថុនា នៅតំបន់ដែនទឹកប្រវត្ដិសាស្ដ្ររវាងវៀតណាម និងកម្ពុជា នាវាលេខ ២៥៣ ចំណុះកងពលតូចលេខ ១២៧ នៃតំបន់លេខ ៥ កងទ័ពជើងទឹកវៀតណាម និងនាវាលេខ ១១៤២ នៃកងទ័ពជើងទឹកខេមរភូមិន្ទបានរៀបចំការល្បាតរួមគ្នាលើកទី ៥១។
ក្នុងការល្បាតរួមគ្នានេះ ភាគីទាំងពីរបានទប់ស្កាត់រាល់សកម្មភាពខុសច្បាប់ ប្រឆាំងចោរសមុទ្រ ការរត់ពន្ធ ការដឹកជញ្ជូនគ្រឿងញៀន និងជនអន្តោប្រវេសខុសច្បាប់ ក៏ដូចជាការជួញដូរអាវុធ និងជាតិផ្ទុះខុសច្បាប់ផងដែរ។
    |
 |
|
នាវារបស់កងទ័ពជើងទឹកនៃប្រទេសទាំងពីរល្បាតរួមគ្នា (baohaiquanvietnam.vn) |
ដោយមានការរៀបចំយ៉ាងហ្មត់ចត់ និងសហការយ៉ាងជិតស្និទ្ធរវាងកងទ័ពជើងទឹកនៃប្រទេសទាំងពីរ ហេតុនេះហើយការល្បាតរួមគ្នាលើកទី ៥១ រវាងកងទ័ពជើងទឹកវៀតណាម និងកងទ័ពជើងទឹកខេមរភូមិន្ទបានបញ្ចប់ប្រកបដោយជោគជ័យ។ តាមផែនការ ភាគីទាំងពីរនឹងរៀបចំការល្បាតរួមគ្នាលើកទី ៥២ នាខែកញ្ញាខាងមុខនេះ៕
បកប្រែដោយ Pham Diep