លោកនាយឧត្តមសេនីយ៍ Ngo Xuan Lich ទទួលជួបប្រធានអគ្គស្នងការនយោបាយកងទ័ពប្រជាជនឡាវ

២០ មិនា ២០១៩ (21:42)

កប.អនឡាញ - នារសៀល ថ្ងៃទី១៩ ខែមីនា នៅទីស្នាក់ការក្រសួងការពារប្រទេស លោកនាយឧត្តមសេនីយ៍ Ngo Xuan Lich រដ្ឋមន្ត្រីក្រសួងការពារប្រទេសវៀតណាមបានទទួលជួបគណៈប្រតិភូជាន់ខ្ពស់នៃកងទ័ពប្រជាជនឡាវ ដឹកនាំដោយលោកឧត្តមសេនីយ៍ទោ Thongloi Silivong អនុរដ្ឋមន្ត្រីក្រសួងការពារជាតិឡាវ និងជាប្រធានអគ្គស្នងការនយោបាយកងទ័ពប្រជាជនឡាវ ដែលកំពុងបំពេញទស្សនកិច្ចជាផ្លូវការនៅវៀតណាម តបតាមការអញ្ជើញរបស់លោកនាយឧត្តមសេនីយ៍ Luong Cuong ប្រធានអគ្គស្នងការនយោបាយ នៃកងទ័ពប្រជាជនវៀតណាម។

គណៈប្រតិភូនយោបាយជាន់ខ្ពស់កងទ័ពប្រជាជនឡាវអញ្ជើញមកបំពេញទស្សនកិច្ចជាផ្លូវការនៅប្រទេសវៀតណាម

លោកនាយឧត្តមសេនីយ៍ Ngo Xuan Lich ទទួលជួបលោកឧត្តមសេនីយ៍ទោ Thongloi Silivong

នៅជំនួប លោកឧត្តមសេនីយ៍ទោ Thongloi Silivong បានពាំនាំនូវការផ្តាំផ្ញើសាកសួរសុខទុក្ខ និងការថ្លែងអំណរគុណពីសំណាក់លោកនាយឧត្តមសេនីយ៍ Chansamone Chanyalath រដ្ឋមន្ត្រីក្រសួងការពារជាតិឡាវ ជូនចំពោះលោកនាយឧត្តមសេនីយ៍ Ngo Xuan Lich ដែលបានដឹកនាំគណៈប្រតិភូយោធាជាន់ខ្ពស់វៀតណាម ចូលរួមពីធីរំលឹកខួបអនុស្សាវរីយ៍លើកទី៧០ នៃការបង្កើតកងទ័ពប្រជាជនឡាវ (ថ្ងៃទី២០ ខែមករា ឆ្នាំ១៩៤៩/ថ្ងៃទី២០ ខែមករា ឆ្នាំ២០១៩) នៅទីក្រុងវៀងច័ន្ទក្នុងរយៈពេលកន្លងមក។ លោកក៏បានជម្រាបជូនចំពោះលោកនាយឧត្តមសេនីយ៍ Ngo Xuan Lich ពីលទ្ធផលដ៏ល្អប្រសើរនៃកិច្ចពិភាក្សាការងារជាមួយលោកនាយឧត្តសេនីយ៍ Luong Cuong។

ទិដ្ឋភាពនៃជំនួប

រីឯលោកនាយឧត្តមសេនីយ៍ Ngo Xuan Lich បានវាយតម្លៃខ្ពស់ចំពោះលទ្ធផលនៃកិច្ចពិភាក្សាការងាររវាងលោកឧត្តមសេនីយ៍ទោ Thongloi Silivong និងលោកនាយឧត្តសេនីយ៍ Luong Cuong។ លោកបានជឿជាក់ថា កងទ័ពនៃប្រទេសទាំងពីរនឹងបន្តសហការយ៉ាងជិតស្និទ្ធក្នុងការអនុវត្តសកម្មភាពរបស់បក្ស ការងារនយោបាយ ពង្រឹងការជឿទុកចិត្តលើការដឹកនាំរបស់បក្សសម្រាប់កម្មាភិបាល និងយុទ្ធជននៃប្រទេសទាំងពីរ រួមចំណែកជំរុញទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ កងទ័ព និងប្រជាជននៃប្រទេសទាំងពីរឡើងកំរិតកម្ពស់ថ្មីមួយ៕