លោករដ្ឋមន្រ្តីក្រសួងការពារជាតិឡាវសម្ដែងនូវអំណរគុណដល់អតីតយុទ្ធជនស្ម័គ្រចិត្ត និងអ្នកជំនាញការវៀតណាម
កប.អនឡាញ - នារសៀលថ្ងៃទី១៩ ខែមករា នៅទីស្នាក់ការក្រសួងការពារជាតិឡាវ លោកនាយឧត្តមសេនីយ៍ Chansamone Chanyalath រដ្ឋមន្រ្តីក្រសួងការពារជាតិឡាវ បានទទួលជួបគណៈប្រតិភូអតីតយុទ្ធជនស្ម័គ្រចិត្ត និងអ្នកជំនាញការវៀតណាមដែលដឹកនាំដោយលោកឧត្តមសេនីយ៍ត្រី Huynh Dac Huong ប្រធានគណៈកម្មការទាក់ទងទូទាំងប្រទេស អតីតប្រធាននយោបាយបញ្ជាការដ្ឋានយុទ្ធជនស្ម័គ្រចិត្ត និងអ្នកជំនាញការវៀតណាមក្នុងឱកាសចូលរួមពិធីរំលឹកខួបលើកទី១០ ទិវាបង្កើតកងទ័ពប្រជាជនឡាវ។
លោកនាយឧត្តមសេនីយ៍ Chansamone Chanyalath បញ្ជាក់ថា បក្ស រដ្ឋ និងប្រជាជនឡាវមិនអាចភ្លេចបាននូវគុណូបការៈ និងពលីកម្មរបស់កងទ័ពស្ម័គ្រចិត្ត និងអ្នកជំនាញការវៀតណាមក្នុងបុព្វហេតុបដិវត្តន៍របស់ឡាវនោះទេ។ លោកសង្កត់ធ្ងន់ថា ជំនះនីមួយៗ របស់កងទ័ពប្រជាជនឡាវក្នុងប្រវត្តិសាស្រ្ត សុទ្ធតែទទួលបានជំនួយ និងការរួមវិភាគទានពីយុទ្ធជនស្ម័គ្រចិត្ត និងអ្នកជំនាញការវៀតណាម។
|
|
លោកនាយឧត្តមសេនីយ៍ Chansamone Chanyalath ថតរូបជាមួយគណៈប្រតិភូ (រូបថត៖ vnanet.vn) |
ក្នុងឱកាសនេះ ជំនួសមុខបក្ស រដ្ឋ កងទ័ព និងប្រជាជនឡាវ លោកនាយឧត្តមសេនីយ៍ Chansamone Chanyalath បានថ្លែងអំណរគុណដល់អតីតយុទ្ធជនស្ម័គ្រចិត្ត អ្នកជំនាញការ និងប្រជាជនវៀតណាម ដែលបានលៈបង់ដើម្បីបដិវត្តន៍ឡាវ។ ព្រមទាំង លោករំពឹងថា អតីតយុទ្ធជនស្ម័គ្រចិត្ត និងអ្នកជំនាញការវៀតណាមនឹងបន្តពង្រីកប្រពៃណីបដិវត្តន៍ អប់រំឲ្យជំនាន់ក្រោយនៃប្រទេសទាំងពីរអំពីការរក្សា និងការពូនជ្រំប្រពៃណីនៃទំនាក់ទំនងមិត្តភាព ចំណងសាមគ្គីភាពពិសេស និងកិច្ចសហប្រតិបត្តិការលើគ្រប់ជ្រុងជ្រោយរវាងប្រទេសទាំងពីរឡាវ-វៀតណាម។
លោកឧត្តមសេនីយ៍ត្រី Huynh Dac Huong បានជំនួសគណៈប្រតិភូប្រគល់ផែនទីអំពីយុទ្ធនាការឡាវខាងត្បូងដែលកត់ត្រានូវកន្លែងដែលកងទ័ពវៀតណាមនិងឡាវបានឈ្នះមុនពេលជ័យជំនះឆ្នាំ១៩៧៥ ជូនក្រសួងការពារជាតិឡាវ៕
បកប្រែដោយ Thuy Anh