ជម្រុញឲ្យស៊ីជម្រៅថែមទៀតនូវកិច្ចសហប្រតិបត្តិការរវាងកងទ័ពជើងទឹកវៀតណាម និងជប៉ុន
កប.អនឡាញ - នារសៀលថ្ងៃទី៤ ខែធ្នូ នៅទីក្រុង Hai Phong វៀតណាម ក្រុមបេសកកម្មនាយកដ្ឋានគ្រប់គ្រង ការិយាល័យសេនាធិការនៃកងកម្លាំងស្វ័យការពារកងទ័ពជើងទឹកជប៉ុន ដែលដឹកនាំដោយលោកឧត្តមនាវីត្រី Yoshihito Goka បានបំពេញទស្សនកិច្ចនៅបញ្ជាការដ្ឋានប្រភេទទ័ពជើងទឹកវៀតណាម ក្នុងឱកាសបំពេញទស្សនកិច្ចនៅវៀតណាម ដើម្បីអញ្ជើញចូលរួមការជួបជុំប្រាស្រ័យការពារជាតិវៀតណាម - ជប៉ុនពីថ្ងៃទី២ ដល់ថ្ងៃទី៨ ធ្នូ។
លោកឧត្តមនាវីត្រី Nguyen Trong Binh មេបញ្ជាការរង នាយសេនាធិការប្រភេទទ័ពជើងទឹកវៀតណាមបានទទួលជួបគណៈប្រតិភូ។
    |
 |
|
លោកឧត្តមនាវីត្រី Nguyen Trong Binh ទទួលជួបគណៈប្រតិភូ |
ក្នុងជំនួប លោកឧត្តមនាវីត្រី Nguyen Trong Binh បានចាត់ទុកថា ទំនាក់ទំនងកិច្ចសហប្រតិបត្តិការលើវិស័យការពារជាតិរវាងវៀតណាម និងជប៉ុន ក្នុងនោះមានកិច្ចសហប្រតិបត្តិការរវាងកងទ័ពជើងទឹកនៃប្រទេសទាំងពីរបន្តអភិវឌ្ឍន៍ប្រកបដោយប្រសិទ្ធភាពនៅពេលកន្លងមក។ លោក Nguyen Trong Binh រំពឹងថា ទំនាក់ទំនងសហប្រតិបត្តិការរវាងភាគីទាំងពីរនឹងត្រូវបានពង្រឹង និងពង្រីកថែមទៀត។ ក្នុងឆ្នាំ២០២០ កងទ័ពជើងទឹកវៀតណាមនឹងអញ្ជើញនាវា និងនាយទាហាននៃកងទ័ពជើងទឹកជប៉ុនចូលរួមសកម្មភាពទាក់ទងបរទេសមួយចំនួនដែលរៀបចំដោយកងទ័ពជើងទឹកវៀតណាម។
លោក Yoshihito Goka បានឲ្យដឹងថា ក្នុងឆ្នាំ២០១៩ កងទ័ពជើងទឹកជប៉ុននឹងចាត់បញ្ជូននាវា និងក្រុមត្រែទ័ពមកទស្សនកិច្ចនៅវៀតណាម និងមានបំណងចង់ក្រុមត្រែទ័ពរបស់កងទ័ពជើងទឹកនៃប្រទេសទាំងពីរនឹងសម្ដែងជាមួយគ្នានៅវៀតណាម៕
បកប្រែដោយ Thuy Anh