ប្រជុំផ្លាស់ប្តូរមិត្តភាពវៀតណាម - ចិននឹងប្រព្រឹត្តទៅពីថ្ងៃទី១៩ ដល់ថ្ងៃ២១ វិច្ឆិកា
កប.អនឡាញ - ក្នុងសន្និសីទកាសែតនារសៀថ្ងៃទី១៤ វិចិ្ឆកា លោកឧត្តមសេនីយ៍ត្រី Nguyen Dai Hoi អនុប្រធាននាយកដ្ឋានទាក់ទងបរទេសនៃក្រសួងការពារប្រទេសវៀតណាមបានឲ្យដឹងថា ប្រជុំផ្លាស់ប្តូរមិត្តភាពវៀតណាម - ចិនលើកទី៥ ឆ្នាំ២០១៨ នឹងប្រព្រឹត្តទៅពីថ្ងៃទី១៩ ដល់ថ្ងៃ២១ វិច្ឆិកា នៅស្រុក Phuc Hoa ទីក្រុង Cao Bang ខេត្ត Cao Bang វៀតណាម និងស្រុក Longzhou ទីក្រុង Chongzuo ខេត្ត Guangxi នៃប្រទេសចិន។
គណៈប្រតិភូវៀតណាមដឹកនាំដោយលោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាម។ គណៈប្រតិភូចិនដឹកនាំដោយលោក Wei Fenghe រដ្ឋមន្រ្តីក្រសួងការពារជាតិចិន។
    |
 |
|
លោកឧត្តមសេនីយ៍ត្រី Nguyen Van Duc ក្នុងសន្និសីទកាសែត (រូបថត៖ vnanet.vn) |
ប្រជុំផ្លាស់ប្តូរមិត្តភាពវៀតណាម - ចិនលើកទី៥ មានសកម្មភាពជាច្រើនដ៏មានអត្ថន័យ ដូចជា៖ កិច្ចពិភាក្សាមិត្តភាព; កម្មវិធីសិល្បៈរវាងកម្លាំងការពារព្រំដែន អាជ្ញាធរដែនដី និងប្រជាជនជាប់ព្រំដែន; ពិធីរំលឹកខួបលើកទី៥ នៃទិវាបង្កើតទំនាក់ទំនងមិត្តភាពរវាងស្រុក Phuc Hoa និងស្រុក Longzhou។ល។
លោកឧត្តមសេនីយ៍ត្រី Nguyen Van Duc ប្រធាននាយកដ្ឋានឃោសនាអប់រំ នៃអគ្គស្នងការនយោបាយ កងទ័ពប្រជាជនវៀតណាមសង្កត់ធ្ងន់ថា ប្រជុំផ្លាស់ប្តូរមិត្តភាពវៀតណាម - ចិន គឺជាសកម្មភាពសំដៅកសាងចំណងមិត្តភាព សាមគ្គីភាពរវាងអាជ្ញាធរដែនដី ប្រជាជន និងកម្លាំងការពារព្រំដែននៃប្រទេសទាំងពីរ និងកងទ័ពទាំងពីរ។ តាមរយៈនោះបង្កើនទំនុកទុកចិត្តខាងនយោបាយ ជម្រុញទំនាក់ទំនងនៃប្រទេសទាំងពីរ កងទ័ពទាំងពីរឲ្យស្ថិរភាព ចីរភាព រួមចំណែកកសាង ពង្រឹងនិងពង្រីកទំនុកទុកចិត្តរបស់ប្រជាជននៃប្រទេសទាំងពីរចំពោះព្រំដែនមួយសន្តិភាព មិត្តភាព ស្ថិរភាព និងអភិវឌ្ឍន៍ដ៏យូរអង្វែង៕
បកប្រែដោយ Thuy Anh