វេទិកា Xiangshan ប៉េកាំង គឺជាឱកាសបង្ហាញទស្សនៈអំពីបញ្ហាសន្តិសុខក្នុងតំបន់
កប.អនឡាញ - ពីថ្ងៃទី២៥ ដល់ទី២៦ ខែតុលាខាងមុខនេះ នៅទីក្រុងប៉េកាំង ប្រទេសចិននឹងប្រព្រឹត្តទៅវេទិកា Xiangshan ប៉េកាំងលើកទី៨។ លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាមនឹងដឹកនាំគណៈប្រតិភូយោធាជាន់ខ្ពស់វៀតណាមអញ្ជើញចូលរួម និងមានប្រសាសន៍ក្នុងវេទិកា។
វេទិកា Xiangshan គឺជាវេទិកាប្រចាំឆ្នាំ និងមានការអញ្ជើញចូលរួមរបស់ថ្នាក់ដឹកនាំក្រសួងការពារជាតិ និងអ្នកប្រាជ្ញបរទេសជាច្រើន។ វេទិកាគឺជាឱកាសសម្រាប់ថ្នាក់ដឹកនាំក្រសួងការពារជាតិ អ្នកការទូត អ្នកប្រាជ្ញបរទេស និងអង្គការអន្តរជាតិផ្លាស់ប្ដូរ ពិភាក្សាអំពីបញ្ហាសន្តិសុខក្នុងតំបន់អាស៊ី- ប៉ាស៊ីហ្វិក។
|
|
លោកឧត្ដមសេនីយ៍ឯក Nguyen Chi Vinh មានប្រសាសន៍ក្នុងវេទិកា Xiangshan លើកទី៧ |
វេទិកា Xiangshan ក៏ជាព្រឹត្តិការណ៍សម្រាប់ប្រទេសទាំងឡាយបង្ហាញទស្សនៈរបស់ខ្លួន ជម្រុញកិច្ចសហប្រតិបត្តិការ ព្រមទាំងរួមចំណែកដល់សន្តិភាព ស្ថិរភាព និងអភិវឌ្ឍន៍របស់តំបន់ និងពិភពលោក។ ឆ្នាំ២០១៨ វេទិកា Xiangshan នឹងប្តូរឈ្មោះជាវេទិកា Xiangshan ប៉េកាំង។
វេទិកា Xiangshan លើកទី៨ ក្រោមប្រធានបទ “កសាងទំនាក់ទំនងភាពជាដៃគូសន្តិសុខ សមភាព ទំនុកទុកចិត្តគ្នាទៅវិញទៅមក កិច្ចសហប្រតិបត្តិការរួមគ្នាឈ្នះ” មានសម័យប្រជុំពេញអង្គចំនួន៤។ ព្រមទាំង វេទិកា Xiangshan ប៉េកាំង លើកនេះនៅមានសម័យប្រជុំពិសេសចំនួន៤ ទៀតផង។
|
|
តំណាងទាំងឡាយចូលរួមវេទិកា Xiangshan លើកទី៧ |
វៀតណាមចូលរួមវេទិកា Xiangshan ប៉េកាំង និងវេទិកាពហុភាគីលើវិស័យយោធានផ្សេងៗ និងយន្តការដែលដឹកនាំដោយអាស៊ានដើម្បីបញ្ជាក់តួនាតីយ៉ាងសកម្ម ម្ចាស់ការ និងទទួលខុសត្រូវរបស់វៀតណាមចំពោះបញ្ហាអន្តរជាតិ និងតំបន់ ព្រមទាំងបង្ហាញទស្សនៈរបស់វៀតណាមចំពោះបញ្ហាសន្តិសុខ ការអភិវឌ្ឍដែលតំបន់ និងពិភពលោកយកចិត្តទុកដាក់ រួមចំណែកបញ្ជាក់លើគោលនយោបាយទាក់ទងបរទេសពហុភាគី ពិពិធកម្ម និងគោលការណ៍សកម្ម ម្ចាស់ការ ទទួលខុសត្រូវរបស់វៀតណាមក្នុងការធ្វើសមាហរណកម្មអន្តរជាតិ។
នៅប៉ុន្មានឆ្នាំថ្មីៗនេះ ទំនាក់ទំនងរវាងវៀតណាម និងចិនកំពុងអភិវឌ្ឍយ៉ាងសកម្ម។ កិច្ចសហប្រតិបត្តិការទ្វេភាគីលើវិស័យការពារជាតិទទួលបានលទ្ធផលយ៉ាងសកម្ម និងក្លាយជាសសរដ៏សំខាន់របស់ទំនាក់ទំនងភាពជាដៃគូ កិច្ចសហប្រតិបត្តិការយុទ្ធសាស្រ្តលើគ្រប់ជ្រុងជ្រោយរវាងវៀតណាម និងចិន។
ការអញ្ជើញចូលរួមវេទិកា Xiangshan ប៉េកាំង និងដំណើរទស្សនកិច្ចមិត្តភាពជាផ្លូវការនៅប្រទេសចិនរបស់លោកនាយឧត្តមសេនីយ៍ Ngo Xuan Lich និងគណៈប្រតិភូយោធាជាន់ខ្ពស់វៀតណាមមិនក្រាន់តែបង្ហាញពីការគាំទ្ររបស់វៀតណាមចំពោះការជម្រុញសន្ទនាអន្តរជាតិ សំដៅចែករំលែក ផ្លាស់ប្តូរអំពីស្ថានភាពសន្តិសុខអន្តរជាតិ និងតំបន់បណ្ណោះទេ ថែមទាំងរួមចំណែកដល់ការជម្រុញទំនាក់ទំនងទ្វេភាគីរវាងវៀតណាមនិងចិន ក្នុងនោះមានកិច្ចសហប្រតិបត្តិការលើវិស័យការពារជាតិទៀតផង៕
បកប្រែដោយ Thanh Cong