នាវាកងទ័ពជើងទឹករបស់ប្រទេសកូរ៉េខាងត្បូងមកទស្សនកិច្ចនៅទីក្រុង Da Nang

នាវាកងទ័ពជើងទឹកកូរ៉េខាងត្បូងនៅកំពង់ផែ Tien Sa

ពិធីទទួលបដិសណ្ឋារកិច្ចនៅកំពង់ផែ Tien Sa

ពិធីទទួលបដិសណ្ឋារកិច្ចនៅកំពង់ផែ Tien Sa មានការចូលរួមពីថ្នាក់ដឹកនាំ និងតំណាងនៃភាគីទាំងពីរ។ ខាងប្រទេសវៀតណាមមានតំណាងនៃបញ្ជាការដ្ឋានតំបន់លេខ៣ នៃកងទ័ពជើងទឹក នាយកដ្ឋានការបរទេស (ក្រសួងការពារប្រទេស) បញ្ជាការដ្ឋានកងទ័ពការពារព្រំដែនទីក្រុង Da Nang បញ្ជារការដ្ឋានយោធាទីក្រុង Da Nang និងមន្ទីរការបរទេសទីក្រុង Da Nang។ ខាងប្រទេសកូរ៉េខាងត្បូង មានលោក Kim Do-hyun ឯកអគ្គរដ្ឋទូតកូរ៉េខាងត្បូងប្រចាំនៅប្រទេសវៀតណាម។ លោកវរសេនីយ៍ឯក Ryou Jae Guen អនុព័ន្ធយោធាកូរ៉េខាងត្បូងប្រចាំនៅវៀតណាម រួមជាមួយប្រជាជនកូរ៉េខាងត្បូងនៅទីក្រុង Da Nang ទៀតផង។

ថ្នាក់ដឹកនាំនៃស្ថាប័ន អង្គភាពនានារបស់វៀតណាម ថតរូបទុកជាអនុស្សាវរីយ៍ជាមួយមេបញ្ជាការ និងនាវិកនៃនាវាពិឃាត ROKS Moon Mu The Great

បើយោងទៅតាមកម្មវិធីនៃដំណើរទស្សនកិច្ច គណៈបញ្ជាការនាវានឹងចូលជួបសម្តែងការគួរសមជាមួយថ្នាក់ដឹកនាំនៃគណៈកម្មាធិការប្រជាជនទីក្រុងDa Nang និងថ្នាក់ដឹកនាំនៃបញ្ជាការដ្ឋានតំបន់លេខ៣ កងទ័ពជើងទឹក។ នាវិកនៃនាវាកងទ័ពជើងទឹកកូរ៉េខាងត្បូងនឹងទៅទស្សនានៅរមណីយដ្ឋានមួយចំនួននៅទីក្រុង Da Nang។ មុនពេលចាកចេញពីកំពង់ផែ Tien Sa នាវាពិឃាត ROKS Moon Mu The Great នឹងរៀបចំការហ្វឹកហ្វឺនអំពីការចល័ត និងអំពីវិទ្យុទាក់ទងជាមួយនាវាកងទ័ពជើងទឹកវៀតណាម៕

បកប្រែដោយ Duy Hoan