បិទវគ្គហ្វឹកហ្វឺនមុខជំនាញច្រកទ្វារអេឡិចត្រូនិកឲ្យកងទ័ពប្រជាជនឡាវ
កប.អនឡាញ - នារសៀវថ្ងៃទី៦ ខែសីហា នៅអង្គភាពលេខ៨៧១ នៃអគ្គស្នងការដ្ឋាននយោបាយ បានរៀបចំឡើងពិធីបិទវគ្គហ្វឹកហ្វឺនមុខជំនាញច្រកទ្វារអេឡិចត្រូនិកឲ្យកម្មាភិបាលនៃកងទ័ពប្រជាជនឡាវ។
ក្នុងរយៈពេលមួយខែនៃការសិក្សា សិក្ខាកាមទាំងអស់ត្រូវបានសិក្សាស្រាវជ្រាវលើបញ្ហាជាមូលដ្ឋានអំពីច្រកទ្វារអេឡិចត្រូនិក ដែលជាផ្នែកមួយដ៏សំខាន់របស់រដ្ឋាភិបាល ក្រសួង ស្ថាប័ននានា ដោយរួមមានក្រសួងការពារប្រទេស ក្នុងការគ្រប់គ្រង ការផ្សាយព័ត៌មានជាផ្លូវការ ការរួមបញ្ចូលព័ត៌មានអំពីសេវាធារណៈតាមប្រព័ន្ធអនឡាញ និងការតភ្ជាប់ជាមួយរដ្ឋាភិបាលនៅក្នុងដំណើរការកសាងរដ្ឋាភិបាលអេឡិចត្រូនិកនៅប្រទេសនិមួយៗ។ កម្មាភិបាលនៃកងទ័ពប្រជាជនឡាវដែលចូលរួមក្នុងវគ្គហ្វឹកហ្វឺននេះក៏បានទៅទស្សនកិច្ចសិក្សានៅស្ថានប័ន អង្គភាពមួយចំនួននៅក្នុងនិងក្រៅកងទ័ពប្រជាជនវៀតណាមផងដែរ៕
បកប្រែដោយ Duy Hoan