ពង្រីកកិច្ចសហប្រតិបត្តិការលើវិស័យការពារជាតិរវាងវៀតណាម និងអ៊ីស្រាអែល
កប.អនឡាញ - នារសៀល ថ្ងៃទី៨ ឧសភា នៅទីស្នាក់ការក្រសួងការពារប្រទេសវៀតណាម លោកឧត្តមសេនីយ៍ឯក Nguyen Chi Vinh អនុរដ្ឋមន្រ្តីក្រសួងការពារប្រទេសវៀតណាមបានទទួលជួបគណៈប្រតិភូនាយកដ្ឋានសហប្រតិបត្តិការយោធាអន្តរជាតិនៃក្រសួងការពារជាតិអ៊ីស្រាអែល(SIBAT) ដឹកនាំដោយលោក Mishel Ben Baruch នាយក SIBAT ដែលកំពុងបំពេញទស្សនកិច្ចការងារនៅវៀតណាម។
|
|
លោកឧត្តមសេនីយ៍ឯក Nguyen Chi Vinh និងលោក Mishel Ben Baruch |
លោកឧត្តមសេនីយ៍ឯក Nguyen Chi Vinh បញ្ជាក់ថា ថ្នាក់ដឹកនាំក្រសួងការពារប្រទេសវៀតណាមនឹងបង្កលក្ខណៈងាយស្រួលឲ្យគណៈប្រតិភូ SIBAT ស្វែងរកកាលានុវត្តភាពសហប្រតិបត្តិការជាមួយអង្គភាពពាក់ព័ន្ធដោយឈរលើមូលដ្ឋានគោរពច្បាប់របស់វៀតណាម។ លោកអនុរដ្ឋមន្រ្តីក្រសួងការពារប្រទេសវៀតណាមស្នើឲ្យនាពេលខាងមុខ ភាគីទាំងពីរគប្បីផ្លាស់ប្តូរ ស្រាវជ្រាវ ជម្រុញកិច្ចសហប្រតិបត្តិការយ៉ាងជាក់ស្ដែង ដូចជាអប់រំ បណ្ដុះបណ្ដាល សង្រ្គោះ ឧស្សាហកម្មការពារជាតិ។
លោក Mishel Ben Baruch បញ្ជាក់ថា អ៊ីស្រាអែលមានបំណង និងត្រៀមជាស្រេចជម្រុញកិច្ចសហប្រតិបត្តិការលើវិស័យការពារជាតិជាមួយវៀតណាម ជាពិសេសលើវិស័យអប់រំ បណ្ដុះបណ្ដាល សង្រ្គោះ និងឧស្សាហកម្មការពារជាតិ៕
បកប្រែដោយ Thuy Anh