ជម្រុញទំនាក់ទំនងកិច្ចសហប្រតិបត្តិការលើវិស័យការពារជាតិវៀតណាម - ជប៉ុនឲ្យស៊ីជម្រៅ
កប.អនឡាញ - នាព្រឹក ថ្ងៃទី២៤ មករា នៅទីស្នាក់ការក្រសួងការពារប្រទេសវៀតណាម លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាមបានទទួលជួបលោក Umeda Kunio ឯកអគ្គរដ្ឋទូតជប៉ុនប្រចាំនៅវៀតណាម។
|
|
លោកនាយឧត្តមសេនីយ៍ Ngo Xuan Lich ទទួលជួបលោក Umeda Kunio |
លោកនាយឧត្តមសេនីយ៍ Ngo Xuan Lich និងលោក Umeda Kunio បានឯកភាពគ្នាថា នាពេលខាងមុខ កងទ័ពនៃប្រទេសទាំងពីរគប្បីបង្កើនកិច្ចសហប្រតិបត្តិការលើវិស័យមួយចំនួនដូចជា ផ្លាស់ប្ដូរគណៈប្រតិភូគ្រប់ជាន់ថ្នាក់ ការសន្ទនានយោបាយការពារជាតិ ការបណ្ដុះបណ្ដាលការចែករំលែកបទពិសោធ និងសហប្រតិបត្តិការក្នុងការចូលរួមសកម្មភាពរក្សាសន្តិភាពនៃអង្គការសហប្រជាជាតិ។
លោករដ្ឋមន្រ្តី Ngo Xuan Lich ចាត់ទុកថា វៀតណាមមានបំណងចង់សហប្រតិបត្តិការជាមួយជប៉ុនក្នុងការជំនះផលវិបាកនៃជាតិពុលឌីអុកស៊ីន តាមរយៈគម្រោងជាក់ស្ដែងនានា៕
បកប្រែដោយ Thuy Anh