កិច្ចពិភាក្សាអំពីគោលនយោបាយការពារជាតិ វៀតណាម - បារាំង លើកទី២
កប.អនឡាញ - នាថ្ងៃទី១១ មករា នៅទីក្រុង ហូជីមិញ លោកឧត្តមសេនីយ៍ឯក Nguyen Chi Vinh អនុរដ្ឋមន្ត្រីក្រសួងការពារប្រទេស វៀតណាម និងលោកឧត្តមនាវីរង Herve De Bonnaventure អគ្គនាយករងនៃអគ្គនាយកដ្ឋានទំនាក់ទំនងអន្តរជាតិ និងយុទ្ធសាស្ត្រ ក្រសួងការពារជាតិបារាំង បានធ្វើជាសហអធិបតីកិច្ចពិភាក្សាអំពីគោលនយោបាយការពារជាតិ វៀតណាម - បារាំង លើកទី២ ក្នុងឱកាសប្រទេសទាំងពីរត្រៀមរៀបចំបណ្តាសកម្មភាពរំលឹកខួបអនុស្សាវរីយ៍លើកទី ៤៥ នៃការបង្កើតទំនាក់ទំនងការទូត និងលើកទី៥ នៃការប្រកាសទំនាក់ទំនងភាពជាដៃគូយុទ្ធសាស្ត្រ។
នៅកិច្ចពិភាក្សា លោកឧត្តមនាវីរង Herve De Bonnaventure មានគោលបំណងចង់ជំរុញទំនាក់ទំនងសហប្រតិបត្តិការការពារជាតិជាមួយវៀតណាម ដើម្បីរួមចំណែកដល់សន្តិភាព ស្ថិរភាព និងអភិវឌ្ឍន៍។
|
|
ភាគីទាំងពីរចុះហត្ថលេខាលើកំណត់ហេតុនៃជំនួបការងារ |
ស្តីពីទិសដៅនៃកិច្ចសហប្រតិបត្តិការរវាងប្រទេសទាំងពីរ ក្នុងរយៈពេលខាងមុខ ថ្នាក់ដឹកនាំទាំងពីរបានឯកភាពថា ភាគីទាំងពីរគប្បីបន្តជំរុញការផ្លាស់ប្តូរគណៈប្រតិភូ ជាពិសេសគណៈប្រតិភូយោធាជាន់ខ្ពស់ ពង្រីកដោយមានប្រសិទ្ធភាពនូវយន្តការនៃកិច្ចសហប្រតិបត្តិការលើវិស័យការពារជាតិ សហការ និងគាំទ្រគ្នាទៅវិញទៅមកនៅវេទិកាពហុភាគីនានា។ ទន្ទឹមនឹងនោះ ភាគីទាំងពីរគប្បីជំរុញកិច្ចសហប្រតិបត្តិការលើវិស័យបណ្តុះបណ្តាល ពេទ្យយោធា ឧស្សាហកម្មការពារជាតិ និងការរក្សាសន្តិភាពនៃអង្គការសហប្រជាជាតិ បង្កើនការធ្វើដំណើរទស្សនកិច្ចនាវាយោធា និងបើកទូលាយកិច្ចសហប្រតិបត្តិការលើវិស័យថ្មីនានា ដើម្បីនាំមកនូវផលប្រយោជន៍ដល់ប្រទេសទាំងពីរ វៀតណាម-បារាំង។
បន្ទាប់ពីកិច្ចពិភាក្សា ភាគីទាំងពីរបានឯកភាព និងចុះហត្ថលេខាលើកំណត់ហេតុនៃជំនួបការងារ៕
បកប្រែដោយ Thanh Cong