រំលឹកខួបអនុស្សាវរីយ៍លើកទី៦០ នៃការបង្កើតកងទ័ពការពារព្រំដែន និងខួបទី៣០ នៃទិវាការពារព្រំដែនរបស់ប្រជាជនទាំងមូល

ប្រតិភូទាំងឡាយចូលរួមពិធី

អញ្ជើញចូលរួម និងថ្លែងមតិក្នុងពិធី នាយករដ្ឋមន្ត្រីវៀតណាម លោក Nguyen Xuan Phuc បានលើកសរសើរចំពោះសមិទ្ធផល ដែលកម្មាភិបាល យុទ្ធជនកងទ័ពការពារព្រំដែនសម្រេចបានក្នុងរយៈពេល ៦០ ឆ្នាំកន្លងមក រួមចំណែកដ៏សំខាន់ក្នុងបុព្វហេតុកសាង និងការពារមាតុភូមិ។

លោកនាយករដ្ឋមន្ត្រី Nguyen Xuan Phuc ថ្លែងមតិក្នុងពិធី

លោកនាយករដ្ឋមន្ត្រី Nguyen Xuan Phuc បានចាត់ទុកថា កម្មាភិបាល និងយុទ្ធជនកងទ័ពការពារព្រំដែនជានិច្ចកាលអនុវត្តតាមពាក្យស្លោក “ប៉ុសិ៍្តជាផ្ទះ ព្រំដែនគឺជាស្រុកកំណើត ហើយប្រជាជននៃបណ្តាជនជាតិជាបងប្អូនបង្កើត” និងជានិច្ចកាលជាកងកម្លាំងដែលជិតស្និទ្ធជាមួយប្រជាជន យល់ច្បាស់អំពីប្រជាជន ការពារប្រជាជន និងការពារព្រំដែន។ សកម្មភាពទាំងនេះបានបង្កើតនូវជំនឿជឿជាក់ពីបក្ស រដ្ឋ អាជ្ញាធរដែនដី និងប្រជាជន។

លោកនាយករដ្ឋមន្ត្រី Nguyen Xuan Phuc ប្រគល់គ្រឿងឥស្សរិយយសយុទ្ធជ័យថ្នាក់ទី១ ជូនចំពោះកងទ័ពការពារព្រំដែន

លោកនាយករដ្ឋមន្ត្រី Nguyen Xuan Phuc ក៏បានស្នើឲ្យបញ្ជាការដ្ឋានកងទ័ពការពារព្រំដែនត្រូវជ្រួតជ្រាប និងអនុវត្តន៍ឲ្យបានព្រមៗគ្នានូវរាល់ភារកិច្ចគ្រប់គ្រង និងការពារព្រំដែនជាតិ តាមរយៈសេចក្តីសម្រេចចិត្តរបស់បក្ស យុទ្ធសាស្ត្រការពារព្រំដែនជាតិ និងកម្មវិធីសកម្មភាពជាក់ស្តែងរបស់គណៈកម្មាធិការបក្សយោធាមជ្ឈិម ក្រសួងការពារប្រទេសផងដែរ៕

បកប្រែដោយ Thanh Cong