ទីក្រុងហូជីមិញត្រៀមខ្លួនរួចជាស្រេចសម្រាប់ការបញ្ជូនទ័ពថ្មីឆ្នាំ ២០១៩
កប.អនឡាញ - នារសៀលថ្ងៃទី ១៨ កុម្ភៈ ក្រុមប្រឹក្សាកាតព្វកិច្ចយោធាទីក្រុងហូជីមិញវៀតណាមបានរៀបចំសម័យប្រជុំលើកទី ២ ក្នុងឆ្នាំ ២០១៩ ដើម្បីពិភាក្សាលើការជ្រើសរើសពលរដ្ឋចូលបំរើកងទ័ព។
ឆ្នាំ ២០១៩ ទីក្រុងបានជ្រើសរើសទ័ពថ្មីចំនួន ៣,៨០០នាក់ ក្នុងនោះមានពលរដ្ឋប្រមាណ ២,១៨០ នាក់ចុះឈ្មោះដោយស្ម័គ្រចិត្ដសម្រេចបាន ៥៧,៣៧%។ នៅខ័ណ្ឌ និងស្រុកនានាបានចាត់តាំងពិធីជូនលិខិតកោះហៅដល់ពលរដ្ឋចូលបម្រើកងទ័ព។
យោងតាមរបាយការណ៍នៃខ័ណ្ឌ និងស្រុកចំនួន ២៤ រហូតដល់ពេលនេះ ពលរដ្ឋចូលបំរើកងទ័ពមានសតិអាម្មណ៍ល្អ និងសុខភាពល្អ ហើយធានា និងសម្រេចបានចំនួនទ័ពតាមកំណត់។ ព្រមទាំងទីក្រុងបានយកចិត្តទុកដាក់ដល់ពលរដ្ឋចូលបំរើកងទ័ព និងផ្ដល់ថវិកាចំនួន ២០ ពាន់លានដុងដើម្បីជួយឧបត្ថម្ភ និងផ្ដល់អំណោយដល់ពលរដ្ឋចូលបំរើកងទ័ពផងដែរ៕
បកប្រែដោយ Pham Diep