មូលដ្ឋានសឹកបដិវត្ដន៍ឡាវពោលពេញដោយមនោរសញ្ចេតនា
កប.អនឡាញ- តាំងពីព្រឹកព្រលឹម ក្រុមការងារនៃអគ្គនាយកដ្ឋានភ័ស្តុភារ កងទ័ពប្រជាជន នៃប្រទេសទាំងពីរវៀតណាម និងឡាវបានឆ្លងកាត់ផ្លូវកោង និងជ្រលងភ្នំដ៏ជ្រៅរាប់សិបគីឡូម៉ែត្រ ដើម្បីបញ្ជូនថ្នាំពេទ្យ និងបរិក្ខារពេទ្យទៅពិនិត្យសុខភាពដល់បងប្អូនប្រជាពលរដ្ឋ ដោយឥតគិតថ្លៃ និងផ្តល់អំណោយដល់បងប្អូនប្រជាពលរដ្ឋនៅឃុំ Lao Hung ស្រុក Xieng Kho ខេត្ដ Hua Phan នៃប្រទេសឡាវ។
|
|
ក្រុមការងារអគ្គនាយកដ្ឋានភុស្ដភារកងទ័ពប្រជាជនវៀតណាមនិងបងប្អូនប្រជាពលរដ្ឋនៅឃុំ Lao Hung ស្រុក Xieng Kho ខេត្ដ Hua Phan |
ទោះបីជាការធ្វើដំណើរទៅកាន់មូលដ្ឋានសឹកបដិវត្ដន៍ឡាវមានការលំបាកនិងគ្រោះថ្នាក់ក៏ដោយ ប៉ុន្ដែសមាជិកក្រុមការងារនៅមានក្ដីសប្បាយរីករាយនៅពេលបានជួបជុំបងប្អូនប្រជាពលរដ្ឋ ដែលការពារ និងថែទាំយុទ្ធជនឡាវ និងកងទ័ពស្ម័គ្រចិត្ដវៀតណាមក្នុងប៉ុន្មានឆ្នាំតស៊ូប្រឆាំងសត្រូវរួមដើម្បីបុព្វហេតុរំដោះប្រជាជាតិទាំងពីរ។
|
|
ថ្នាក់ដឹកនាំអគ្គនាយកដ្ឋានភុស្ដភារប្រគល់អំណោយដល់គ្រួសារទទួលរបបឧបត្ថម្ភគោលនយោបាយនៅឃុំ Lao Hung |
ឆ្លើយតបទៅនឹងមនោសញ្ចេតនានោះ លោក Bunta Navongta លេខាសាខាបក្ស និងជាមេភូមិ រួមជាមួយអ្នកចាស់ទុំបានទទួលស្វាគមន៍ក្រុមការងារដែលធ្វើឲ្យលោកឧត្តមសេនីយត្រី Vu Ba Trung អនុប្រធានគណៈកម្មាធិការបក្សនៃអគ្គនាយកដ្ឋានភុស្ដភារ និងសមាជិកក្រុមការងារមានក្ដីរំភើបចិត្ដយ៉ាងខ្លាំង។
នៅក្នុងក្លិនក្រអូបសាយភាយនៃកែវតែ លោក Navongta បាននិយាយថា "ជំនាន់បុព្វបុរសនៅឃុំ Lao Hung មានមោទនភាពដែលបានការពារ និងជួយលោកប្រធាន Kaysone Phomvihane និងកងទ័ពស្ម័គ្រចិត្តវៀតណាមលាក់ខ្លួនពីការតាមរកចាប់របស់អាណានិគមនិយមបារាំងកាលពី ៧០ ឆ្នាំមុន។ ដោយមានជំនឿលើបុព្វហេតុរំដោះជាតិបងប្អូនប្រជាពលរដ្ឋនៅឃុំ Lao Hung បានមិនភ័យខ្លាចចំពោះការធ្វើទារុណកម្មដ៏ឃោរឃៅ និងការចាប់ខ្លួនរបស់សត្រូវដើម្បីការពារយុទ្ធជនបដិវត្ដន៍។
|
|
កម្មាភិបាលអគ្គនាយកដ្ឋានភុស្ដភារចុះសួរសុខទុក្ខ និងលើកទឹកចិត្ដបងប្អូន ប្រជាពលរដ្ឋនៅឃុំ Lao Hung នៅពេលមក ដល់ ពិនិត្យសុខភាព |
ក្នុងការរៀបរាប់របស់លោក Navongta យើងខ្ញុំបានដឹកថា បន្ទាប់ពីចាកចេញពីភូឃុំ Lao Hung នៅថ្ងៃទី ២០ ខែមករាឆ្នាំ ១៩៤៩ ទៅកាន់ភូមិ Pha Long ឃុំ Phieng Sa ស្រុក Xieng Kho លោក Kaysone Phomvihane និងយុទ្ធជនចំនួន ២៦ នាក់ បានបង្កើតក្រុម Latxavong ដែលជាកងទ័ពប្រជាជនឡាវសព្វថ្ងៃនេះ។ ក្រោមការដឹកនាំរបស់បក្សប្រជាជនបដិវត្ដិន៍ឡាវ រួមជាមួយការជួយឧបត្ថម្ភដ៏ស្មោះស្ម័គ្រពីកងទ័ពនិងប្រជាជនវៀតណាម ក្រុម Latxavong មានការធំធាត់ពីមួយថ្ងៃទៅមួយថ្ងៃ ហើយបានសហការជាមួយប្រជាជនឡាវវាយដេញសត្រូវឈ្លានពានដើម្បីនាំមកសុខសន្ដិភាពដល់ប្រទេសឡាវ។
លោក Navongta សម្លឹងមកលោកឧត្ដមសេនីយ៍ត្រី Vu Ba Trung និងសមាជិកក្រុមការងារដោយក្ដីរំភើបចិត្ដថា “ដូចតាមការសន្យានានិទាឃរដូវឆ្នាំ ១៩៧៥ ប្រជាជននៅឃុំ Lao Hung មានក្ដីសប្បាយរីករាយនៅពេលបានទទួលជួបក្រុមការងារមកពិនិត្យសុខភាពដល់បងប្អូនប្រជាពលរដ្ឋក្នុងឱកាសបុណ្យចូលឆ្នាំថ្មីប្រពៃណី។ នេះជានិទាឃរដូវមួយក្នុងចំណោមនិទាឃរដូវដ៏គួរឱ្យចងចាំបំផុតរបស់បងប្អូនប្រជាពលរដ្ឋនៅឃុំ Lao Hung”។
កាន់ដៃលោក Navongta លោកឧត្តមសេនីយ៍ត្រី Vu Ba Trung បាននិយាយថា ទោះបីជាលក្ខណៈភូមិសាស្រ្ដឆ្ងាយគ្នានិងភាសាខុសគ្នាក៏ដោយប៉ុន្ដែប្រជាជាតិឡាវនិងវៀតណាមមានចំណុចស្រដៀងគ្នាជាច្រើនក្នុងការតស៊ូប្រឆាំងសត្រូវរួម ព្រមទាំងបានសហការគ្នានិងជួយគ្នាទៅវិញទៅមកក្នុងការកសាងនិងការពារមាតុភូមិ។
ប្រជាជនវៀតណាមម្នាក់ៗនិយាយរួម និងយុទ្ធជនកងទ័ពប្រជាជនវៀតណាមនិយាយដោយឡែកចាត់ទុកបងប្អូនប្រជាពលរដ្ឋឡាវដូចជាបងប្អូនបង្កើតជានិច្ច សាមគ្គីភាពរួមដៃគ្នាឆ្លងកាត់ការលំបាកនិងការកសាងប្រទេសទាំងពីរឲ្យកាន់តែរីកចម្រើន។
អស់រយៈពេលជិតមួយសប្តាហ៍ «ដេកលើដីនិងហូបចុកជាមួយគ្នា»នៅក្នុងបរិវេណមណ្ឌលសុខភាពឃុំដើម្បីជួយពិនិត្យសុខភាពដល់បងប្អូនប្រជាពលរដ្ឋ សមាជិកក្រុមការងារនៃកងទ័ពប្រជាជនវៀតណាមទាំងអស់មានអារម្មណ៍រំភើបចិត្ដចំពោះការបក់ដៃលានិងអាឡោះអាឡ័យរបស់បងប្អូនប្រជាពលរដ្ឋ។
បកប្រែដោយ Pham Diep