កងកម្លាំងស្វ័យការពារជើងទឹកជប៉ុនជួបប្រាស្រ័យជាមួយកងទ័ពជើងទឹកវៀតណាម
កប.អនឡាញ - នារសៀល ថ្ងៃទី២៨ ខែមករា នៅទីក្រុងហូជីមិញ យន្តហោះពីរគ្រឿង ដឹកគណៈប្រតិភូកងកម្លាំងស្វ័យការពារជើងទឹកជប៉ុន ចំនួន ៣៦ នាក់ ដឹកនាំដោយលោកវរនាវីទោ Kurishita Akihico មេបញ្ជាការក្រុម ហោះហើរលេខ ២១ អង្គភាពទ័ពជើងអាកាសជើងទឹកលេខ ២ បានមកកាន់អាកាសយានដ្ឋាន Tan Son Nhat ចាប់ផ្តើមបំពេញទស្សនកិច្ច និងជួបប្រាស្រ័យជាមួយកងទ័ពជើងទឹកប្រជាជនវៀតណាម។
ក្នុងឱកាសនេះ គណៈប្រតិភូបានមកជួបសំដែងការគួរសំមេបញ្ជាការកងពលតូចលេខ ១២៥ តំបន់លេខ ២ ទ័ពជើងទឹកវៀតណាម។ លោកវរសេនីយ៍ឯក Phan Anh Tuan មេបញ្ជាការរងកងពលតូចលេខ ១២៥ បានធ្វើជាអធិបតីជំនួបជាមួយគណៈប្រតិភូ។
    |
 |
|
លោកវរសេនីយ៍ឯក Phan Anh Tuan មេបញ្ជាការរងកងពលតូចលេខ ១២៥ ទទួលជួបគណៈប្រតិភូកងកម្លាំងស្វ័យការពារជើងទឹកជប៉ុន |
ដំណើរទេស្សនកិច្ចលើកនេះរបស់គណៈប្រតិភូកងកម្លាំងស្វ័យការពារជើងទឹកជប៉ុន សំដៅជំរុញការផ្លាស់ប្តូរមិត្តភាព ការពារជាតិ ព្រមទាំងពង្រឹង និងពង្រីកទំនាក់ទំនងដ៏ល្អប្រសើររវាងកងទ័ព និងកងទ័ពជើងទឹករបស់ប្រទេសទាំងពីរ វៀតណាម-ជប៉ុន៕
បកប្រែដោយ Huyen Trang