ទំនាក់ទំនង EU - វៀតណាមអភិវឌ្ឍន៍យ៉ាងសកម្ម
កប.អនឡាញ - នាព្រឹកថ្ងៃទី១០ ខែធ្នូ នៅទីស្នាក់ការក្រសួងការពារប្រទេសវៀតណាម លោកឧត្តមសេនីយ៍ឯក Phan Van Giang ប្រធានអគ្គសេនាធិការកងទ័ពប្រជាជនវៀតណាម និងជាអនុរដ្ឋមន្រ្តីក្រសួងការពារប្រទេសវៀតណាមបានទទួលជួបគណៈប្រតិភូនាយកដ្ឋានគ្រប់គ្រងវិបត្តិនិងផែនការនៃសហភាពអឺរ៉ុប(EU) ដែលដឹកនាំដោយលោក Gabor Iklody ប្រធាននាយកដ្ឋាន ក្នុងឱកាសបំពេញទស្សនកិច្ចការងារនៅវៀតណាម។
លោក Gabor Iklody សង្កត់ធ្ងន់ថា ទំនាក់ទំនងរវាង EU និងវៀតណាមបានអភិវឌ្ឍន៍យ៉ាងសកម្ម រួមមានវិស័យសន្តិសុខ និងការពារជាតិក្នុងរយៈពេលកន្លងមក។ លោក Gabor Iklody ចាត់ទុកថា EU និងវៀតណាមអាចជម្រុញកិច្ចសហប្រតិបត្តិការទ្វេភាគី ពហុភាគី រវាង EU និងអាស៊ាន ជាពិសេសនៅឆ្នាំ២០២០ ជាឆ្នាំដែលវៀតណាមជាប្រធានអាស៊ាន។
|
|
លោកឧត្តមសេនីយ៍ឯក Phan Van Giang និងលោក Gabor Iklody |
លោក Gabor Iklody សង្កត់ធ្ងន់ទៀតថា EU ត្រៀមខ្លួនជាស្រេចដើម្បីជម្រុញកិច្ចសហប្រតិបត្តិការជាមួយវៀតណាមលើវិស័យរក្សាសន្តិភាពនៃអង្គការសហប្រជាជាតិ។ យោងតាមលោក Gabor Iklody សក្តានុពលសម្រាប់កិច្ចសហប្រតិបត្តិការលើវិស័យនេះគឺធំធេងណាស់ ជាពិសេសគឺលើវិស័យបណ្ដុះបណ្ដាល និងជំនួយបច្ចេកទេស។
លោកឧត្តមសេនីយ៍ឯក Phan Van Giang រំពឹងថា EU នឹងជួយកងទ័ពវៀតណាមលើវិស័យរក្សាសន្តិភាពនៃអង្គការសហប្រជាជាតិដើម្បីឆ្លើយតបនឹងសំណូមពរនៃភារកិច្ចនៅស្ថានបេសកកម្ម។ លោករំពឹងទៀតថា EU នឹងជួយគាំទ្រវៀតណាមជាបេក្ខជនសម្រាប់សមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិអាណត្តិ ២០២០-២០២១ ក៏ដូចជួយជម្រុញទំនាក់ទំនងរវាងវៀតណាមនិង EU នឹងបន្តអភិវឌ្ឍន៍ប្រកបដោយជោគជ័យ ដើម្បីផលប្រយោជន៍របស់ភាគីទាំងពីរផងដែរ៕
បកប្រែដោយ Thuy Anh