នាវាលេខ ០១៥ ដែលមានឈ្មោះថា Tran Hung Dao នឹងចូលរួមការធ្វើហាត់សមនៅលំហរសមុទ្ររវាងអាស៊ី និងចិន
កប.អនឡាញ - ពីថ្ងៃទី ២៧ ខែកញ្ញាដល់ថ្ងៃទី ៦ ខែតុលា នាវាលេខ ០១៥ ដែលមានឈ្មោះថា Tran Hung Dao ដឹកនាំដោយលោកវរសេនីយ៍ឯក Le Hong Chien មេបញ្ជាការរងតំបន់ទ័ពជើងទឹកនឹងទៅបំពេញទស្សនកិច្ចការងារនៅមូលដ្ឋាន Yokosuka និងទីក្រុង Sakai ស្ថិតនៅខេត្ដ Osaka ក្នុងឱកាសរំលឹកខួបទី ៤៥ នៃការបង្កើតទំនាក់ទំនងការទូតវៀតណាម-ជប៉ុន និងអនុវត្ដនូវសេចក្ដីថ្លែងការណ៍រួមស្ដីពីកិច្ចសហប្រតិបត្ដិការការពារជាតិរវាងក្រសួងការពារជាតិទាំងពីរ។
ពីថ្ងៃទី ១០ ដល់ថ្ងៃទី១៥ ខែតុលា នាវាលេខ ០១៥ នឹងទៅចូលរួមពិធីក្បួនដង្ហែរនាវានៅមូលដ្ឋានទ័ពជើងទឹក Jeju របស់កូរ៉េខាងត្បូងគឺអនុវត្ដតាមសេចក្ដីថ្លែងការណ៍រួមស្ដីពីកិច្ចសហប្រតិបត្ដិការការពារជាតិដល់ឆ្នាំ ២០៣០ រវាងក្រសួងការពារជាតិនៃប្រទេសទាំងពីរ។
    |
 |
|
នាវាលេខ ០១៥ ដែលមានឈ្មោះថា Tran Hung Dao នឹងចូលរួមការធ្វើហាត់សមនៅលំហរសមុទ្ររវាងអាស៊ី និងចិន |
ពីថ្ងៃទី ២១ ដល់ថ្ងៃទី ២៨ ខែតុលា នាវាលេខ ០១៥ នឹងចូលរួមការធ្វើហាត់សមនៅលំហរសមុទ្ររវាងអាស៊ាន និងចិននៅមូលដ្ឋាន Zhanjiang ប្រទេសចិន។
នេះជាសកម្មភាពសំដៅរឹតបន្តឹងទំនាក់ទំនងមិត្តភាព សហប្រតិបត្តិការ ការយល់ដឹងគ្នាទៅវិញទៅមក និងការទុកចិត្តខាងនយោបាយ ក៏ដូចជាកិច្ចសហប្រតិបត្តិការរវាងកងទ័ពជើងទឹកវៀតណាម និងកងទ័ពជើងទឹកនៃបណ្ដាប្រទេសនាពេលអនាគត៕
បកប្រែដោយ Pham Diep