កម្មាភិបាល យុទ្ធជនជិត ៤,០០០ នាក់ ចុះជួយប្រជាជនដែលរងផលប៉ះពាល់ដោយគ្រោះធម្មជាតិ
កប.អនឡាញ - យោងតាមរបាយការណ៍របស់នាយកដ្ឋានជួយសង្គ្រោះគ្រោះមហន្តរាយបានបង្ហាញថា នាថ្ងៃទី ៣ ខែកញ្ញា យោធភូមិភាគទី ២ និងយោធភូមិភាគទី ៤ បានប្រមូលកម្មាភិបាល យុទ្ធជនចំនួនជិត ៤,០០០នាក់ និងមធ្យោបាយជាច្រើនដើម្បីចុះជួយមូលដ្ឋាននានានៅខេត្ដ Son La, ខេត្ដ Thanh Hoa និងខេត្ដ Nghe An ដែលរងផលប៉ះពាល់ដោយសារគ្រោះធម្មជាតិ។
|
|
កងទ័ពចុះជួយសំអាតអនាម័យនៅសាលារៀននានា |
នៅខេត្ដ Son La កងកម្លាំងទាំងអស់បានចូលរួមប្រមូលសំរាម ដីល្បាប់ សំអាតអនាម័យនៅសាលារៀននានា និងនៅតាមដងផ្លូវផងដែរ។ នៅខេត្ដ Thanh Hoa កងកម្លាំងប្រដាប់អាវុធបានចុះជួយជួសជុលសាលារៀន លំនៅឋាន និងផ្លូវអន្ដរឃុំ ព្រមទាំងបាញ់ថ្នាំកំចាត់មេរោគជាដើម។ នៅខេត្ដ Nghe An កងកម្លាំងប្រដាប់អាវុធក៏បានជួយសំអាតអនាម័យសាលារៀនជាច្រើននៅស្រុក Ky Son ទៀតផង។
ក្នុងឱកាសនេះដែរ សមាគមកាកបាទក្រហមវៀតណាមបានផ្តល់ជំនួយឧបត្ថម្ភជាថវិកា និងសំភារៈដល់ខេត្ដទាំង៣ នេះ ក្នុងតំលៃសរុបជាង ៤២០ លានដុង ដើម្បីជួយប្រជាជនដែលរងផលប៉ះពាល់ដោយសារគ្រោះទឹកជំនន់៕
បកប្រែដោយ Pham Diep