បញ្ជាការដ្ឋានយោធាខេត្ដ Tay Ninh បានសហការជាមួយមជ្ឈមណ្ឌលអប់រំខេត្ដ Tay Ninh បើកវគ្គបណ្ដុះបណ្ដាលភាសាខ្មែរ
កប.អនឡាញ - នាព្រឹកថ្ងៃទី១៦ កក្កដា បញ្ជាការដ្ឋានយោធាខេត្ដ Tay Ninh បានសហការជាមួយមជ្ឈមណ្ឌលអប់រំខេត្ដ Tay Ninh វៀតណាម បើកវគ្គបណ្ដុះបណ្ដាលភាសាខ្មែរជូនកងកម្លាំងប្រដាប់អាវុធចំនួន ៥០ នាក់។
ក្នុងរយៈពេល ៦ ខែ សិក្ខាកាមត្រូវបានរៀនស្តាប់ និយាយ ហាត់អាន និងហាត់សរសេរ ជាពិសេសយកចិត្ដទុកដាក់ដល់ការសន្ទនា។ សិក្ខាកាមបានរៀនវាក្យសព្ទ វេយ្យាករណ៍ ទំនៀមទំលាប់វប្បធម៌ដែលទាក់ទងទៅនឹងសកម្មភាពយោធា ការពារជាតិ និងការងារចលនាមហាជនជាដើម។
វគ្គបណ្ដុះបណ្ដាលនេះសំដៅលើកកំពស់សមត្ថភាពភាសាខ្មែរសម្រាប់ជួរកម្មាភិបាល ដើម្បីរួមចំណែកអនុវត្ដបានល្អនូវការងារចលនាមហាជននៅតំបន់ជនរួមជាតិខ្មែរ កសាងវិស័យការពារជាតិឲ្យរឹងមាំ និងធ្វើឲ្យបរាជ័យរាល់ឧបាយកល “បម្រែបម្រួលដោយសន្ដិភាវូបនីយកម្ម” របស់បណ្ដាអនុភាពអមិត្ដនៅតាមតំបន់ព្រំដែន និងតំបន់ជនរួមជាតិខ្មែរ ៕
បកប្រែដោយ Pham Diep