ជាប់ជាមួយព្រំដែនខេត្ដមណ្ឌលគីរី គឺឃុំ Quang Truc ជាឃុំមួយជួបការលំបាកយ៉ាងខ្លាំង។ កម្មវិធីនេះ មិនត្រឹមតែនាំមកឆ្នាំថ្មីសម្រាប់ប្រជាពលរដ្ឋប៉ុណ្ណោះទេ ថែមទាំងនាំមកបរិយាកាសឆ្នាំថ្មីដោយក្ដីសប្បាយរីករាយ និងពោរពេញទៅដោយមនោសញ្ចេតនារវាងកងទ័ព និងប្រជាជនទៀតផង ជាពិសេសគឺយុវជនមកពីអង្គភាពនានាបានវេចនំអន្សមជូនប្រជាពលរដ្ឋមានជីវភាពរស់នៅលំបាក។ ទន្ទឹមនឹងនោះ ថ្នាក់ដឹកនាំស្នងការនយោបាយនៃយោធភូមិភាគទី ៥ និងគណៈយុវជននៃបញ្ជាការដ្ឋានយោធាខេត្ដបានប្រគល់អំណោយឆ្នាំថ្មីដល់គ្រួសារក្រីក្រ សិស្សានុសិ្សនៃជនជាតិភាគតិច ដែលសិក្សាពូកែផងដែរ។ ក្រៅពីនេះ ស្នងការនយោបាយនៃយោធភូមិភាគទី ៥ បានប្រគល់ផ្ទះមេត្តាធម៌ដល់គ្រួសារយោធិនចំនួនពីរមានជីវភាពរស់នៅលំបាក ដោយផ្ទះមួយខ្នងមានទឹកប្រាក់ ៧០ លានដុង។ លោកវរសេនីយ៍ឯក Tran Thien Canh អនុប្រធាននយោបាយនៃបញ្ជាការដ្ឋានយោធាខេត្ដ Dak Nong បានឲ្យដឹងថា អង្គភាពនានាបានប្រគល់អំណោយដល់គ្រួសារជនជាតិភាគតិច និងសិស្សមានជីវភាពរស់នៅលំបាកនៅឃុំ Quang Truc ដោយក្នុងអំណោយមានទឹកប្រាក់ ៥០០,០០០ ដុង និងនំអន្សមចំនួន ៥០០ គូទៀតផង៕
បកប្រែដោយ Thanh Cong
Type the code from the image