ពិធីបើកការដ្ឋានសាងសង់តំបន់ឧស្សាហកម្ម កសិកម្ម និងរុក្ខាប្រមាញ់ និងពង្រីកតំបន់ឧស្សាហកម្មយានយន្ត Thaco Chu Lai
កប.អនឡាញ - នាព្រឹកថ្ងៃទី២៤ មីនា នៅតំបន់សេដ្ឋកិច្ចបើកទូលាយ Chu Lai ខេត្ត Quang Nam គណៈកម្មាធិការប្រជាជនខេត្ត Quang Nam និងក្រុមហ៊ុនភាគហ៊ុនរថយន្ត Truong Hai (Thaco) បានរៀបចំពិធីបើកការដ្ឋានកសាងតំបន់ឧស្សាហកម្ម កសិកម្ម រុក្ខាប្រមាញ់ និងពង្រីកតំបន់ឧស្សាហកម្មយានយន្ត និងរថយន្ដ Thaco Chu Lai និង គម្រោងបណ្តាក់ទុនស្ថាបនាកំពង់ផែ ៥០,០០០ តោន និងកន្លែងលំនៅដ្ឋានមួយសម្រាប់កម្មករ។
ថ្លែងក្នុងពិធីនេះនាយករដ្ឋមន្ត្រីវៀតណាមលោក Nguyen Xuan Phuc បានសង្កត់ធ្ងន់ថា ព្រឹត្តិការណ៍បើកការដ្ឋានគម្រោងទាំងនេះបានកត់សម្គាល់នូវជំហានអភិវឌ្ឍន៍ដ៏រឹងមាំរបស់តំបន់សេដ្ឋកិច្ចបើកទូលាយ Chu Lai ដែលជាពិសេសគឺក្រុមហ៊ុន Thaco ដែលជាសហគ្រាសវិនិយោគឯកជនឈានមុខគេមួយដែលបណ្តាក់ទុននៅតំបន់សេដ្ឋកិច្ចបើកទូលាយ Chu Lai នេះតាំងពីថ្ងៃដំបូងនៃការបង្កើតមកម៉្លេះ។
|
|
នាយករដ្ឋមន្ត្រីវៀតណាមលោក Nguyen Xuan Phuc បើកការដ្ឋានកសាងតំបន់សេដ្ឋកិច្ចបើកទូលាយ Chu Lai |
នាយករដ្ឋមន្ត្រីវៀតណាមលោក Nguyen Xuan Phuc រំលឹកថា ការរើបំរាស់ខ្លួនរបស់តំបន់ Chu Lai បច្ចុប្បន្ននេះនៅមិនទាន់សមស្របយ៉ាងពេញលេញទៅនឹងអំណោយផលនៃធម្មជាតិ ភូមិសាស្រ្តយុទ្ធសាស្រ្តនៅឡើយ។ តំបន់ Chu Lai នេះនៅមានកត្តានៃសក្តានុភាពជាច្រើនដែលមានលក្ខណៈគន្លឹះដើម្បីបង្កើតឡើងនូវគំរូអាជីវកម្មធំ និងប្រសិទ្ធភាព។ លោកនាយករដ្ឋមន្រ្តនិយាយថា ខេត្ត Quang Nam មិនត្រូវបានពេញចិត្តចំពោះខ្លួនឯងដោយអ្វីៗដែលខ្លួនសម្រេចបានឡើយ ប៉ុន្តែត្រូវតែវាយតំលៃ និងសន្និដ្ឋានឲ្យបានជាក់ស្តែងពីរាល់សក្តានុភាពថ្មីផ្សេងៗទៀតនៃតំបន់នេះ។
លោកនាយករដ្ឋមន្រ្តីបានលើកឡើងថា មេរៀនជាក់ស្ដែងរបស់តំបន់ Chu Lai បានបង្ហាញឲ្យឃើញថា ដើម្បីកសាងបានតំបន់សេដ្ឋកិច្ចមួយដែលទទួលបានជោគជ័យនោះ យើងត្រូវបង្កើតនូវប្រព័ន្ធអេកូឡូស៊ីពេញលេញមួយដើម្បីទាក់ទាញអាជីវកម្ម ទាក់ទាញអ្នកឈ្មួញ វិនិយោគិនថ្មី។ ហើយសហគ្រាស Thaco គឺជាឧទាហរណ៍ដ៏ល្អមួយនៃគំនិតចង់ធ្វើសមាហរណកម្មសង្វាក់តម្លៃសកល។ នាពេលខាងមុខនេះ Chu Lai សន្យាថានឹងជាកន្លែងដ៏ល្អមួយសម្រាប់សហគ្រាសឧស្សាហកម្មឈើ។
នាយករដ្ឋមន្រ្តីបានអះអាងថា រដ្ឋាភិបាល នឹងគាំទ្រយ៉ាងខ្លាំងក្លាដល់ក្រុមហ៊ុនទាំងអស់និយាយរួម និងចំពោះក្រុមហ៊ុនភាគហ៊ុនរថយន្ត Truong Hai និយាយដោយឡែក ជាពិសេសក្នុងការវិនិយោគលើគម្រោងទាំងនេះ។ គ្រប់ក្រសួង ស្ថាប័នមានសមត្ថកិច្ចទាំងអស់ត្រូវតែសហការសម្របសម្រួលជួយឧបត្ថម្ភអង្គភាពអាជីវកម្មរកដំណោះស្រាយរាល់ឧបសគ្គដែលទាក់ទាញនឹងវិនិយោគិនយុទ្ធសាស្ត្រ ដើម្បីការអភិវឌ្ឍនៃខេត្ត Quang Nam កាន់តែលឿន និងប្រកបដោយចីរភាព រួមចំណែកយ៉ាងវិជ្ជមានដល់ការអភិវឌ្ឍរួមនៃប្រទេសទាំងមូល។
ក្នុងឱកាសនោះដែរ នាយករដ្ឋមន្រ្តីវៀតណាមលោក Nguyen Xuan Phuc ក៏បានកាត់ខ្សែបូសបើកការដ្ឋានកសាងតំបន់ឧស្សាហកម្មក សិកម្ម និងរុក្ខាប្រមាញ់ និងការពង្រីកតំបន់ឧស្សាហកម្ម យានយន្ត នៃសហគ្រាស Thaco-Chu Lai ផងដែរ៕
បកប្រែដោយ Minh Trung