ជំរុញសកម្មភាពផ្លាស់ប្តូរ និងកិច្ចសហប្រតិបត្តិការនៅតំបន់ព្រំដែនវៀតណាម - ចិន
កប.អនឡាញ - នាថ្ងៃទី ២២ មីនា ខេត្ត Lang Son បានរៀបចំកិច្ចពិភាក្សាស្តីពី "ពិធីសំណេះសំណាលនៅក្នុងឱកាសដើមឆ្នាំ២០១៩" រវាងលេខានៃគណៈកម្មាធិការបក្ស នៃខេត្តទាំង ៤ របស់វៀតណាមរួមមាន ខេត្ត Lang Son, Quang Ninh, Cao Bang, Ha Giang និងលេខា នៃគណៈកម្មាធិការបក្ស តំបន់ស្វយ័ត ជនជាតិជាំងខេត្តក្វាងស៊ី នៃប្រទេសចិន ។
ក្នុងកិច្ចពិភាក្សា លោកស្រី Ly Thi Phuong Thanh លេខាបក្ស នៃគណៈកម្មាធិការបក្សខេត្ត Lang Son បានសង្កត់ធ្ងន់ថា កិច្ចសហប្រតិបត្តិការរវាងខេត្តទាំង ៤ របស់វៀតណាម និងតំបន់ស្វយ័តជនជាតិជាំង ខេត្តក្វាងស៊ី នៃប្រទេសចិនត្រូវបានពង្រឹង និងពង្រីកជានិច្ច។ ភាគីទាំងពីរបានរក្សាការផ្លាស់ប្តូរគណៈប្រតិភូ និងជំនួបរវាងថ្នាក់ដឹកនាំជាប្រចាំ។ ភាគីទាំងពីបានផ្តោតទៅលើការដឹកនាំ បញ្ជាឲ្យស្ថាប័ន ស្រុក ទីរួមខេត្តនានានៃភាគីទាំងពីរ បន្តជំរុញ និងលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការក្នុងវិស័យជាច្រើន។
|
|
ទិដ្ឋភាពនៃកិច្ចពិភាក្សា (រូបថត៖ vnanet.vn) |
លេខាបក្សនៃគណៈកម្មាធិការបក្សខេត្ត Lang Son ក៏បានលើកឡើងនូវខ្លឹមសារមួយចំនួនដែលថ្នាក់ដឹកនាំខេត្តទាំង៤នៃប្រទេសវៀតណាមបានផ្លាស់ប្តូរជាមួយថ្នាក់ដឹកនាំនៃតំបន់ស្វយ័ត ជនជាតិជាំង ខេត្តក្វាងស៊ី មានជាអាថ៌ដូចជា បន្តរក្សាយន្តការសហប្រតិបត្តិការប្រកបដោយប្រសិទ្ធភាព ពង្រឹងបន្ថែមនូវសកម្មភាពផ្លាស់ប្តូរ និងការផ្លាស់ប្តូរគណៈប្រតិភូគ្រប់ជាន់ថ្នាក់ និងជំរុញកិច្ចសហប្រតិបត្តិការរវាងភាគីទាំងពីរឲ្យកាន់តែស៊ីជម្រៅថែមទៀត៕
បកប្រែដោយ Duy Hoan