សារទូរលេខអបអរសាទរខួបលើកទី ៦៤ នៃថ្ងៃបង្កើតបក្សប្រជាជនបដិវត្តន៍ឡាវ
កប.អនឡាញ- ក្នុងឱកាសរំលឹកខួបលើកទី ៦៤ នៃថ្ងៃបង្កើតបក្សប្រជាជនបដិវត្តន៍ឡាវ (២២ មីនា ឆ្នាំ ១៩៥៥/២២ មីនា ឆ្នាំ ២០១៦) គណៈកម្មាធិការមជ្ឈិមបក្សកុម្មុយនិស្តវៀតណាមបានផ្ញើសារទូរលេខអបអរសាទរជូនគណៈកម្មាធិការមជ្ឈិមបក្សកុម្មុយនិស្ដឡាវ។
|
|
រូបថតឧទាហរណ៍ (vietnamplus.vn) |
សារទូរលេខអបអរសាទរបញ្ជាក់ថា៖ "បក្សកុម្មុយនិស្តវៀតណាមនិងប្រជាជនវៀតណាមបានវាយតំលៃខ្ពស់ និងអបអរសាទរចំពោះរាល់សមិទ្ធផលដ៏ធំធេង និងមានអត្ថន័យជាប្រវត្តិសាស្ត្រដែលបក្សប្រជាជនបដិវត្តន៍ឡាវ និងប្រជាជនឡាវជាបងប្អូនសម្រេចបានក្នុងបុព្វហេតុតស៊ូរំដោះប្រជាជាតិកាលពីមុន ក៏ដូចជាការផ្លាស់ថ្មី ការពារ និងកសាងប្រទេសនាបច្ចុប្បន្ននេះ។ យើងខ្ញុំមានក្ដីសប្បាយរីករាយយ៉ាងក្រៃលេងដោយបានឃើញថា ជាមួយនឹងសមិទ្ធផលសំខាន់ៗដែលបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរសម្រេចបានក្នុងរយៈពេលកន្លងមក ទំនាក់ទំនងមិត្ដភាព សាមគ្គីភាពពិសេស និងកិច្ចសហប្រតិបត្តិការលើគ្រប់ជ្រុងជ្រោយរវាងវៀតណាម និងឡាវបានពង្រឹងនិងពង្រីកដោយឥតឈប់ឈរ និងកាន់តែស៊ីជម្រៅ និងមានប្រសិទ្ធភាពលើវិស័យជាច្រើន រួមចំណែកក្នុងការផ្លាស់ថ្មី ការកសាងនិងការពារមាតុភូមិនៃប្រទេសនិមួយៗ។ បក្ស រដ្ឋ និងប្រជាជនវៀតណាមសូមសម្តែងការដឹងគុណយ៉ាងជ្រាលជ្រៅចំពោះការគាំទ្រពេញទំហឹង ការជួយឧបត្ថម្ភដ៏ធំធេង និងមានតម្លៃរបស់បក្ស រដ្ឋ និងប្រជាជនឡាវជាបងប្អូនដែលផ្ដល់ជូនបក្ស រដ្ឋ និងប្រជាជនវៀតណាមក្នុងរយៈពេលកន្លងមក។ "៕
បកប្រែដោយ Pham Diep