កិច្ចប្រជុំលើកទី ១១ ពាក់កណ្ដាលអាណត្ដិនៃក្រុមការងារវេទិកាតំបន់អាស៊ាន
កប.អនឡាញ - នាព្រឹកថ្ងៃទី ១៤ មីនា កិច្ចប្រជុំលើកទី ១១ ពាក់កណ្ដាលអាណត្ដិនៃក្រុមការងារវេទិកាតំបន់អាស៊ាន (ARF) ស្ដីពីសន្ដិសុខដែនសមុទ្រ (ISM-MS) បានបើកឡើងនៅទីក្រុង Da Nang ប្រទេសវៀតណាម។
កិច្ចប្រជុំនេះត្រូវបានរៀបចំឡើងដោយក្រសួងការបរទេសវៀតណាមសហការជាមួយក្រសួងការបរទេស និងពាណិជ្ជកម្មអូស្ត្រាលីនិងគណៈកម្មការអឺរ៉ុប (EC)។ អញ្ជើញចូលរួមកិច្ចប្រជុំនេះ មានមន្រ្តីជាន់ខ្ពស់ជាង ៨០ នាក់លើវិស័យសន្តិសុខ និងកិច្ចសហប្រតិបត្តិការសមុទ្រដែលមកពីប្រទេសជាសមាជិក ARF ចំនួន ២៧ រួមទាំងអ្នកជំនាញនៃបណ្ដាអង្គការអន្តរជាតិ ក្រសួង ស្ថាប័នរបស់ប្រទេសវៀតណាមផងដែរ។ នេះគឺជាកិច្ចប្រជុំស្ថិតនៅក្នុងក្របខ័ណ្ឌ ARF សំដៅពិនិត្យឡើងវិញនូវស្ថានការណ៍សន្ដិសុខសមុទ្រ និងកិច្ចសហប្រតិបត្ដិការក្នុងក្របខ័ណ្ឌ ARF ។
|
|
គណៈប្រតិភូថតរូបអនុស្សាវរីយ៍ |
នៅឯកិច្ចប្រជុំ គណៈប្រតិភូបានផ្លាស់ប្តូរទស្សនៈស្តីពីស្ថានការណ៍សន្តិសុខដែនសមុទ្រក្នុងតំបន់ ពិនិត្យឡើងវិញនូវប្រតិបត្តិការនៃយន្តការស្តីការចែករំលែកព័ត៌មានអំពីគោលការណ៍ គោលនយោបាយ និងវិធានការនានា ដែលបានអនុវត្តនៅថ្នាក់ជាតិ និងថ្នាក់តំបន់ ក៏ដូចជាពិភាក្សាលើប្រធានបទស្តីពីសុវត្ថិភាពនៃការធ្វើនាវាចរណ៍ បរិស្ថានសមុទ្រ និងការអភិវឌ្ឍប្រកបដោយនិរន្ដរភាព.... ៕
បកប្រែដោយ Pham Diep