កិច្ចសហប្រតិបត្តិការរវាងរដ្ឋសភាវៀតណាម និងជប៉ុនគឺជាកត្តាសំខាន់ក្នុងទំនាក់ទំនងនៃប្រទេសទាំងពីរ
កប.អនឡាញ - នៅថ្ងៃទី ១៦ មករា នៅខេត្តសៀមរាប នៅក្រៅនៃវេទិកាសភាអាស៊ី - ប៉ាស៊ីហ្វិកលើកទី ២៧ (APPF 27) លោក Nguyen Van Giau ប្រធានគណៈកម្មាធិការកិច្ចការបរទេសនៃរដ្ឋសភាវៀតណាមបានទទួលគណៈប្រតិភូសភាជប៉ុន ដឹកនាំដោយលោក Takuji Yanagimoto ប្រធានគណៈកម្មាធិការរដ្ឋធម្មនុញជប៉ុន។
លោក Takuji Yanagimoto បានសង្កត់ធ្ងន់ថា ការជឿទុកចិត្តគ្នារវាងមេដឹកនាំនៃប្រទេសទាំងពីរមានសារៈសំខាន់ខ្លាំងណាស់ដើម្បីបង្កើនកិច្ចសហប្រតិបត្តិការរវាងវៀតណាម និងជប៉ុន។ ក្នុងនោះកិច្ចសហប្រតិបត្ដិការក្នុងក្របខ័ណ្ឌនៃវេទិកាសភាអាស៊ី - ប៉ាស៊ីហ្វិក និងតាមរយៈផ្នែកការទូតសភាក៏មានសារៈសំខាន់ចំពោះប្រទេសទាំងពីរដែរ។
|
|
លោក Nguyen Van Giau ប្រធានគណៈកម្មាធិការកិច្ចការបរទេសនៃរដ្ឋសភាវៀតណាមបានទទួលគណៈប្រតិភូសភាជប៉ុន |
លោក Nguyen Van Giau បាននិយាយថា វៀតណាម និងជប៉ុនកំពុងស្ថិតនៅដំណាក់កាលអភិវឌ្ឍន៍ល្អបំផុតក្នុងប្រវត្តិសាស្ត្រចាប់តាំងពីពេលដែលប្រទេសទាំងពីរបង្កើតទំនាក់ទំនងការទូតមក ហើយវៀតណាមចាត់ទុកជប៉ុនជាដៃគូដ៏សំខាន់បំផុត និងយូរអង្វែង។ ជាមួយគ្នានោះការជួបប្រាស្រ័យទាក់ទងប្រជាជននៃប្រទេសទាំងពីរត្រូវបានពង្រឹងកាន់តែខ្លាំងឡើងដែលរួមចំណែកធ្វើឱ្យប្រសើរថែមទៀតនូវទាក់ទងមិត្ដភាពរវាងប្រជាជននៃប្រទេសទាំងពីរ។
លោក Nguyen Van Giau សង្ឃឹមថា ប្រទេសទាំងពីរបន្តពង្រឹងនិងពង្រីកកិច្ចសហប្រតិបត្តិការនិងសហការយ៉ាងជិតស្និទ្ធនៅវេទិកាអន្តរជាតិ និងតំបន់ជាពិសេសនៅក្នុងវេទិកា IPU, AIPA, APPF ទន្ទឹមនឹងនោះថែរក្សាការផ្លាស់ប្ដូរគណៈប្រតិភូ និងការជួបប្រាស្រ័យទាក់ទងរវាងសមាជិកសភា និងប្រជាជននៃប្រទេសទាំងពីរក្នុងឆ្នាំ ២០១៩។
ក្នុងជំនួបនេះ លោក Nguyen Van Giau និងលោក Takuji Yanagimoto បានពិភាក្សាអំពីកាលានុវត្ដភាព បញ្ហាប្រឈមនានានិងការត្រៀមរៀបចំរបស់វៀតណាមក្នុងការអនុវត្ត CPTPP ក៏ដូចជាបញ្ហាមួយចំនួនដែលភាគីទាំងពីរមានចំណាប់អារម្មណ៍៕
បកប្រែដោយ Pham Diep