វៀតណាម និងចិនជម្រុញកិច្ចសហប្រតិបត្តិការយុទ្ធសាស្រ្តលើគ្រប់ជ្រុងជ្រោយ
កប.អនឡាញ - នាថ្ងៃទី១៦ ខែធ្នូ លោកឧបនាយករដ្ឋមន្ត្រី រដ្ឋមន្រ្តីក្រសួងការបរទេសវៀតណាម Pham Binh Minh បានពិភាក្សាជាមួយទីប្រឹក្សារដ្ឋ និងជារដ្ឋមន្ត្រីការបរទេសចិន លោក Wang Yi ក្នុងឱកាសអញ្ជើញចូលរួមកិច្ចប្រជុំស្តីពីកិច្ចសហប្រតិបត្តិការមេគង្គ‑ឡានឆាងលើកទី៤ នៅទីក្រុង Luang Prabang ប្រទេសឡាវ។
លោក Pham Binh Minh ស្នើឲ្យភាគីទាំងពីរសហការគ្នា ក្នងការអនុវត្តប្រកបដោយប្រសិទ្ធភាពនូវកិច្ចព្រមព្រៀង និងការឯកភាពគ្នារបស់ថ្នាក់ជាន់ខ្ពស់នៃប្រទេសទាំងណី ហើយរក្សាការអភិវឌ្ឍប្រកបដោយភាពល្អប្រសើរនូវទំនាក់ទំនងនៃប្រទេសទាំងពីរ ជម្រុញដំណើរទស្សនកិច្ច និងជំនួបរវាងថ្នាក់ដឹកនាំជាន់ខ្ពស់ រៀបចំបានល្អនូវកិច្ចប្រជុំលើកទី១២ នៃគណៈកម្មាធិការដឹកនាំកិច្ចសហប្រតិបត្តិការទ្វេភាគីវៀតណាម-ចិន នៅឆ្នាំ២០១៩ ជាដើម។
|
|
លោក Pham Binh Minh និងលោក Wang Yi (រូបថត៖ vnanet.vn) |
ចំពោះបញ្ហាលើសមុទ្រ លោកឧបនាយករដ្ឋមន្ត្រីបានស្នើឲ្យភាគីទាំងពីរបន្តអនុវត្តត្រឹមត្រូវការឯកភាពគ្នារបស់ថ្នាក់ដឹកនាំជាន់ខ្ពស់នៃបក្សទាំងពីរ និងប្រទេសទាំងពីរ ដោះស្រាយរាល់ជម្លោះដោយសន្តិវិធី ស្របតាមច្បាប់អន្តរជាតិ រួមទាំងអនុសញ្ញានៃអង្គការសហប្រជាជាតិស្តីពីច្បាប់សមុទ្រឆ្នាំ១៩៨២ គោរពផលប្រយោជន៍គ្នាទៅវិញទៅមក រក្សាសន្តិភាព និងស្ថិរភាពនៅលើសមុទ្រ។
លោក Wang Yi បញ្ជាក់ថា បក្ស និងរដ្ឋាភិបាលចិនផ្តោតទៅលើការពង្រឹង និងពង្រីកទំនាក់ទំនងភាពជាដៃគូយុទ្ធសាស្រ្តលើកគ្រប់ជ្រុងជ្រោយរវាងវៀតណាម និងចិន។ ចិនត្រៀមខ្លួនជាស្រេចរួមជាមួយវៀតណាមបង្កើនការផ្លាស់ប្តូរយុទ្ធសាស្រ្ត ពង្រីកទំនុកទុកចិត្តខាងនយោបាយ ជម្រុញកិច្ចសហប្រតិបត្តិការប្រកបដោយផលប្រយោជន៍រួម និងកាន់តែស៊ីជម្រៅថែមទៀត ដោះស្រាយរាល់ជម្លោះដោយសមហេតុសមផល ជម្រុញទំនាក់ទំនងភាពជាដៃគូកិច្ចសហប្រតិបត្តិការយុទ្ធសាស្រ្តលើគ្រប់ជ្រុងជ្រោយវៀតណាម-ចិន នាំមកនូវផលប្រយោជន៍ជាក់ស្ដែងឲ្យប្រទេសទាំងពីរ និងប្រជាជននៃប្រទេសទាំងពីរ។
ចំពោះកិច្ចសហប្រតិបត្តិការមេគង្គ‑ឡានឆាង ភាគីទាំងពីរបានបញ្ជាក់លើការយកចិត្តទុកដាក់ និងឯកភាពចូលរួម និងរួមវិភាគទានដល់យន្តការនេះ ជម្រុញកិច្ចសហប្រតិបត្តិការដើម្បីផលប្រយោជន៍រួម និងប្រកបដោយភាពយុត្តិធម៌សម្រាប់ប្រទេសដែលចូលរួមទាំងអស់៕
បកប្រែដោយ Thanh Cong