ជម្រុញកិច្ចសហប្រតិបត្តិការរវាងតំបន់នានារបស់វៀតណាម និងទីក្រុង Houston សហរដ្ឋអាមេរិក
កប.អនឡាញ - ក្នុងក្របខ័ណ្ឌនៃដំណើរទស្សនកិច្ចការងារនៅទីក្រុង Houston សហរដ្ឋអាមេរិក ពីថ្ងៃទី២ ដល់ថ្ងៃទី៣ ធ្នូ គណៈប្រតិភូជាន់ខ្ពស់បក្សកុម្មុយនិស្តវៀតណាម ដែលដឹកនាំដោយលោកស្រី Truong Thi Mai សមាជិកការិយាល័យនយោបាយ លេខាមជ្ឈិមបក្ស និងជាប្រធានគណៈចលនាមហាជនមជ្ឈិមបក្សបានជួបសវនាការជាមួយអភិបាលទីក្រុង Houston ជួបសំណេះសំណាលជាមួយតំណាងសហគមន៍ជនវៀតណាមដែលកំពុងរស់នៅ និងសិក្សានៅរដ្ឋ Texas និងទៅសាកសួរសុខទុក្ខគ្រួសារអាណិកជនវៀតណាមនៅទីក្រុង Houston។
ក្នុងជំនួបសវនាការជាមួយលោក Sylvester Turner អភិបាលទីក្រុង Houston លោកស្រី Truong Thi Mai បញ្ជាក់លើទំនាក់ទំនងដ៏ល្អប្រសើររវាងវៀតណាម - អាមេរិក ក៏ដូចជារវាងទីក្រុង Houston និងបណ្តាដៃគូនៅវៀតណាម។ លោកស្រីថ្លែងអំណរគុណចំពោះអាជ្ញាធរទីក្រុងបង្កលក្ខណៈងាយស្រួលឲ្យសមាគមជនវៀតណាមដែលកំពុងធ្វើការ រស់នៅ និងសិក្សានៅទីក្រុង។ លោកស្នើឲ្យអាជ្ញាធរទីក្រុង Houston យកចិត្តទុកដាក់ និងជម្រុញកិច្ចសហប្រតិបត្តិការលើវិស័យថាមពល សុខាភិបាល អប់រំជាមួយដៃគូ និងតំបន់នានារបស់វៀតណាម។
|
|
លោកស្រី Truong Thi Mai ជួបសំណេះសំណាលជាមួយកម្មាភិបាល សិស្សនិស្សិតវៀតណាមដែលកំពុងរស់នៅ ធ្វើការ និងសិក្សានៅទីក្រុង Washington D.C នាថ្ងៃ៣០ ខែវិច្ឆិកា ឆ្នាំ២០១៨ (រូបថត៖ vnanet.vn) |
លោក Sylvester Turner សន្យាថា នឹងបន្តបង្កលក្ខណៈងាយស្រួលឲ្យសមាគមន៍វៀតណាម រួមវិភាគទានថែមទៀតដល់ទំនាក់ទំនងទ្វេភាគីរវាងវៀតណាម និងអាមេរិក។
ក្នុងក្របខ័ណ្ឌនៃដំណើរទស្សនកិច្ចនេះ គណៈប្រតិភូបានជួបសំណេះសំណាលជាមួយកម្មាភិបាល សិស្សនិស្សិតវៀតណាមដែលកំពុងរស់នៅ ធ្វើការ និងសិក្សានៅទីក្រុង Houston។
បកប្រែដោយ Thuy Anh