អគ្គលេខាបក្ស ប្រធានរដ្ឋវៀតណាម លោក Nguyen Phu Trong ទទួលជួបបណ្តាឯកអគ្គរដ្ឋទូតមកប្រគល់សារតាំង
កប.អនឡាញ - ព្រឹកថ្ងៃទី ១៧ ខែវិច្ឆិកា នៅវិមានប្រធានរដ្ឋ ឯកអគ្គរដ្ឋទូតនៃសាធារណរដ្ឋប្រជាមានិតចិនលោក Xiong Bo; ឯកអគ្គរាជទូតនៃព្រះរាជាណាចក្រន័រវែសលោកស្រី Grete Lochen; ឯកអគ្គរដ្ឋទូតកាណាដាលោកស្រី Deborah Anne Paul; និងឯកអគ្គរដ្ឋទូតនៃសាធារណរដ្ឋអ៊ុយរូហ្គាយខាងកើតលោកស្រី Maria del Rosario Portell Casanova បានអញ្ជើញមកប្រគល់សារតាំងជូនអគ្គលេខាបក្ស ប្រធានរដ្ឋវៀតណាម លោក Nguyen Phu Trong ក្នុងឱកាសត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពប្រចាំនៅវៀតណាម។
បន្ទាប់ពីពិធីប្រគល់សារតាំង អគ្គលេខាបក្ស ប្រធានរដ្ឋវៀតណាម លោក Nguyen Phu Trong ទទួលជួបឯកអគ្គរដ្ឋទូតទាំងនេះ។
|
|
អគ្គលេខាបក្ស ប្រធានរដ្ឋវៀតណាម លោក Nguyen Phu Trong និងឯកអគ្គរដ្ឋទូតទាំងឡាយ (រូបថត៖ vnanet.vn) |
នៅឯជំនួប អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានសម្ដែងនូវជំនឿថា ចំពោះចំណេះដឹង និងបទពិសោធន៍របស់ខ្លួន រួមជាមួយមនោសញ្ចេតនាជាទីស្រឡាញ់សម្រាប់វៀតណាម ឯកអគ្គរដ្ឋទូតទាំងឡាយនឹងសម្រេចបានល្អនូវភារកិច្ចរបស់ខ្លួន ហើយរួមចំណែកយ៉ាងសំខាន់ក្នុងការជំរុញទំនាក់ទំនងមិត្តភាព និងកិច្ចសហប្រតិបតិ្តការរវាងប្រទេសពោលខាងលើ ជាមួយវៀតណាម។
អគ្គលេខាបក្ស ប្រធានរដ្ឋលោក Nguyen Phu Trong បានសង្កត់ធ្ងន់ថា វៀតណាមជានិច្ចកាលបង្កលក្ខណៈងាយស្រួលដើម្បីឯកអគ្គរដ្ឋទូតទាំងអស់សម្រេចបានល្អនូវភារកិច្ចរបស់ខ្លួនក្នុងរយៈពេលបំពេញបេសកកម្មការទូតនៅវៀតណាម៕
បកប្រែដោយ Duy Hoan