ទំនាក់ទំនងជាពិសេស និងជិតស្និទ្ធ
កប.អនឡាញ - នារសៀលថ្ងៃទី២ ខែវិច្ឆិកា នៅទីស្នាក់ការមជ្ឈិមបក្សកុម្មុយនិស្តវៀតណាម អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានទទួលជួប នាយករដ្ឋមន្រ្តីបារាំងលោក Édouard Philippe ដែលកំពុងបំពេញទស្សនកិច្ចជាផ្លូវការនៅវៀតណាម តាមការអញ្ជើញរបស់លោកនាយករដ្ឋមន្រ្តីវៀតណាម Nguyen Xuan Phuc។
លោក Édouard Philippe បានសម្ដែងនូវការចាប់អារម្មណ៍ចំពោះការរីកចំរើនរបស់វៀតណាម និងចាត់ទុកថា ប្រទេសទាំងពីរវៀតណាម និងបារាំងមានទំនាក់ទំនងជាពិសេស ជិតស្និទ្ធ និងមានការរីកចំរើនយ៉ាងសកម្មនៅពេលកន្លងមក។ លោករំពឹងថា ភាគីទាំងពីរបន្តជម្រុញកិច្ចសហប្រតិបត្តិការលើគ្រប់វិស័យ។
    |
 |
|
លោក Nguyen Phu Trong ទទួលជួបលោក Édouard Philippe |
លោក Nguyen Phu Trong បានសម្ដែងនូវក្តីរីករាយចំពោះការអភិវឌ្ឍយ៉ាងសកម្មរបស់ទំនាក់ទំនងនៃប្រទេសទាំងពីរនៅពេលកន្លងមក។ លោកអគ្គលេខាបក្ស ប្រធានរដ្ឋវៀតណាមបញ្ជាក់ថា វៀតណាមតែងតែចាត់ទុកបារាំងជាដៃគូចម្បងនៅអឺរ៉ុប និងលើពិភពលោក។ លោករំពឹងថា ភាគីទាំងពីរបន្តសហការដើម្បីអនុវត្តកិច្ចព្រមព្រៀងដែលបានចុះហត្ថលេខាលើវិស័យជាច្រើន ខិតខំរក្សាការអភិវឌ្ឍនៃទំនាក់ទំនងទ្វេភាគី ព្រមទាំងបង្កើនកិច្ចសហការនៅវេទិកាពហុភាគី រួមវិភាគទានដល់ការរក្សាសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍក្នុងតំបន់ និងលើពិភពលោក។
ក្នុងឱកាសនេះ លោក Nguyen Phu Trong ក៏ស្នើឲ្យលោក Édouard Philippe និងរដ្ឋាភិបាលបារាំងបង្កលក្ខណៈងាយស្រួលឲ្យសហគមន៍អាណិកជនវៀតណាមនៅបារាំង៕
បកប្រែដោយ Thuy Anh