អគ្គលេខាបក្សកុម្មុយនិស្តវៀតណាមលោក Nguyen Phu Trong អញ្ជើញធ្វើសច្ចាប្រណិធានចូលកាន់តំណែងជាប្រធានរដ្ឋ
នារសៀលថ្ងៃទី២៣ ខែតុលា នៅសម័យប្រជុំលើកទី៦ រដ្ឋសភាវៀតណាម នីតិកាលទី១៤ បានឯកភាពបោះឆ្នោតជ្រើសតាំងអគ្គលេខានៃគណៈកម្មាធិការមជ្ឈិមបក្សកុម្មុយនិស្តវៀតណាមលោក Nguyen Phu Trong សមាជិកសភា នីតិកាលទី១៤ ចូលកាន់តំណែងជាប្រធានរដ្ឋនៃសាធារណៈរដ្ឋសង្គមនិយមវៀតណាម អាណត្តិពីឆ្នាំ២០១៦ ដល់ឆ្នាំ២០២១។
|
|
ទិដ្ឋភាពនៃពិធីធ្វើសច្ចាប្រណិធានចូលកាន់តំណែងជាប្រធានរដ្ឋរបស់អគ្គលេខាបក្សលោក Nguyen Phu Trong (រូបថត៖ quochoi.vn) |
នៅក្នុងពិធីធ្វើសច្ចាប្រណិធានចូល កាន់តំណែង អគ្គលេខាបក្ស ប្រធានរដ្ឋលោក Nguyen Phu Trong បានអះអាងថា៖
“នៅចំពោះមុខទង់ជាតិដ៏ពិសិដ្ឋ នៅចំពោះមុខរដ្ឋសភា ជនរួមជាតិនិងអ្នក បោះឆ្នោតនៅក្នុងទូទាំងប្រទេស ខ្ញុំបាទប្រធានរដ្ឋនៃសាធារណៈរដ្ឋសង្គមនិយមវៀតណាមសូមស្បថថា៖ ស្មោះត្រង់ជាដាច់ខាតចំពោះមាតុភូមិ ចំពោះប្រជាជន ចំពោះរដ្ឋធម្មនុញនៃសាធារណៈរដ្ឋសង្គមនិយមវៀតណាម។ ខិតខំប្រឹងប្រែងដើម្បីសម្រេចភារកិច្ចដែលបក្សកុម្មុយនិស្តវៀតណាម រដ្ឋនិងប្រជាជនប្រគល់ជូន”។
អគ្គលេខាបក្ស ប្រធានរដ្ឋលោក Nguyen Phu Trong កើតនាថ្ងៃទី១៤ ខែ មេសា ឆ្នាំ១៩៤៤ នៅឃុំ Dong Hoi ស្រុក Dong Anh ទីក្រុងហាណូយ។ លោកជាសមាជិកមជ្ឈិមបក្សនីតិកាលទី៧ ៨ ៩ និង១០ ជាសមាជិកការិយាល័យនយោបាយនីតិកាលទី៨ ៩ ១០ ១១ និង១២ និងជាសមាជិកសភានីតិកាលទី១១ ១២ ១៣ និង ១៤៕
តាម vovworld.vn