សេចក្តីប្រកាសពិសេសស្តីពីមរណភាពរបស់ប្រធានរដ្ឋវៀតណាម លោក Tran Dai Quang
នាថ្ងៃទី២៣ ខែកញ្ញា គណៈប្រតិបត្តិមជ្ឈិមបក្សកុម្មុយនិស្តវៀតណាម; រដ្ឋសភានៃសាធារណរដ្ឋសង្គមនិយមវៀតណាម; ប្រធានរដ្ឋសាធារណរដ្ឋសង្គមនិយមវៀតណាម; រដ្ឋាភិបាលសាធារណរដ្ឋសង្គមនិយមវៀតណាម; គណៈកម្មាធិការមជ្ឈិមរណសិរ្សមាតុភូមិវៀតណាម សូមជម្រាបជូននូវដំណឹងថា សមាជិកការិយាល័យនយោបាយ និងជាប្រធានរដ្ឋនៃសាធារណរដ្ឋសង្គមនិយម វៀតណាម លោក Tran Dai Quang បានទទួលមរណភាពនៅវេលាម៉ោង១០និង៥នាទី នាថ្ងៃទី២១ ខែកញ្ញាឆ្នាំ២០១៨ នៅមន្ទីរពេទ្យយោធាលេខ ១០៨ ដោយជំងឺធ្ងន់ធ្ងរ ទោះបីជាមានការខិតខំប្រឹងប្រែងអស់ពីសមត្ថភាពយ៉ាងណាក្តីពីសំណាក់ក្រុមវេជ្ជបណ្ឌិតជាតិ និងអន្តរជាតិ រួមជាមួយការយកចិត្តទុកដាក់ជាទីបំផុតរបស់បណ្តាថ្នាក់ដឹកនាំបក្ស និងរដ្ឋាភិបាលក៏ដោយ។
|
|
ប្រធានរដ្ឋវៀតណាម លោក Tran Dai Quang (រូបថត៖ vnanet.vn) |
លោកប្រធានរដ្ឋ Tran Dai Quang បានកើតនៅថ្ងៃទី១២ ខែតុលា ឆ្នាំ១៩៥៦ នៅឃុំ Quang Thien ស្រុក Kim Sơn ខេត្ត Ninh Binh។ ប្រធានរដ្ឋ លោក Tran Dai Quang បានចូលបក្សកុម្មុយនិស្តនាថ្ងៃទី២៦ ខែកក្កដា ឆ្នាំ១៩៨០; ជាសមាជិកមជ្ឈិមបក្ស នីតិកាលទី១០ ១១ និង១២; សមាជិកការិយាល័យនយោបាយ នីតិកាលទី១១ និង១២; កាន់ដំណែងប្រធានរដ្ឋពីខែមេសាឆ្នាំ២០១៦ រហូតដល់បច្ចុប្បន្ន; ជាប្រធានក្រុមប្រឹក្សាការពារជាតិ និងសន្តិសុខ; សមាជិកអចិន្ត្រៃយ៍គណៈកម្មាធិការបក្សយោធាមជ្ឈិម; សមាជិកអចិន្ត្រៃយ៍គណៈកម្មាធិការបក្សនគរបាលមជ្ឈិម; សមាជិកសភានីតិកាលទី១៣ និង១៤ និងជាប្រធានគណៈកម្មាធិការបញ្ជាណែនាំកំណែទម្រង់យុត្តិធម៌មជ្ឈិម។
ក្នុងអំឡុងពេលប្រតិបត្តិការការងារ ប្រធានរដ្ឋ លោក Tran Dai Quang បានរួមចំណែកដ៏ធំធេងសម្រាប់បុព្វហេតុបដិវត្តន៍ដ៏រុងរឿងរបស់បក្ស និងប្រទេសជាតិ។ លោកបានបក្ស និងរដ្ឋប្រគល់ជូននូវគ្រឿងឥសរិ្សយយសដ៏ឧត្តុងឧត្តមជាច្រើន។ មរណភាពរបស់លោកជាការបាត់បង់ដ៏ធំធេងសម្រាប់បក្ស រដ្ឋ និងប្រជាជនវៀតណាម។
ដើម្បីសម្តែងនូវសេចក្តីនឹករំលឹកចំពោះវិញ្ញាណក្ខ័ន្ធរបស់ប្រធានរដ្ឋលោក Tran Dai Quang គណៈប្រតិបត្តិមជ្ឈិមបក្សកុម្មុយនិស្តវៀតណាម; រដ្ឋសភានៃសាធារណរដ្ឋសង្គមនិយមវៀតណាម; ប្រធានរដ្ឋនៃសាធារណរដ្ឋសង្គមនិយមវៀតណាម; រដ្ឋាភិបាល នៃសាធារណរដ្ឋសង្គមនិយមវៀតណាម; គណៈកម្មាធិការមជ្ឈិមរណសិរ្សមាតុភូមិវៀតណាមបានសម្រេចចិត្តរៀបចំពិធីបុណ្យសពលោកប្រធានរដ្ឋ Tran Dai Quang ដោយពិធីកាន់ទុក្ខថ្នាក់ជាតិ។
គណៈកម្មការទទួលរៀបចំបុណ្យសពលោកប្រធានរដ្ឋ Tran Dai Quang រួមមានសមាជិកចំនួន៣៧នាក់ ដឹកនាំដោយអគ្គលេខាបក្ស លោក Nguyen Phu Trong។
ពិធីគោរពវិញ្ញាណក្ខ័ន្ធលោកប្រធានរដ្ឋ Tran Dai Quang បានចាប់ផ្តើមពីម៉ោង៧ ព្រឹកថ្ងៃទី២៦ ខែកញ្ញាឆ្នាំ២០១៨ នៅផ្ទះបុណ្យសពជាតិ លេខ ៥ Tran Thanh Tong នៃទីក្រុងហាណូយ។ ពិធីរំលឹកវិញ្ញាណក្ខ័ន្ធនឹងបានរៀបចំនៅវេលាម៉ោង៧និង៣០នាទី ថ្ងៃទី២៧ ខែកញ្ញានៅផ្ទះបុណ្យសពជាតិ។ ពិធីបញ្ចុះសពបានប្រព្រឹត្តទៅពីម៉ោង១៥ និង៣០នាទីក្នុងថ្ងៃដដែល នៅស្រុកកំណើតរបស់លោកប្រធានរដ្ឋ តាមអាស័យដ្ឋាន ភូមិ១៣ ឃុំ Quang Thien ស្រុក Kim Son ខេត្ត Ninh Binh។
ទូរទស្សន៍ជាតិនិងវិទ្យុសម្លេងវៀតណាមនឹងផ្សាយបន្តផ្ទាល់ពិធីគោរពវិញ្ញាណក្ខ័ន្ធ ពិធីរំលឹកវិញ្ញាណក្ខ័ន្ធ និងពីធីបញ្ចុះសពលោកប្រធានរដ្ឋ Tran Dai Quang នៅទីក្រុងហាណូយ ទីក្រុងហូជីមិញ និងស្រុក Kim Son ខេត្ត Ninh Binh៕
តាម vovworld.vn