លោកនាយករដ្ឋមន្ដ្រី Nguyen Xuan Phuc អុជធូបគោរពវិញ្ញាណក្ខន្ធលោកប្រធានហូជីមិញនៅមណ្ឌលកេរ្ដិ៍ដំណែល Kim Lien
កប.អនឡាញ- ក្នុងឱកាសរំលឹកខួបលើកទី ៧១ ទិវាយុទ្ធជនពិការ យុទ្ធជនពលី (២៧ កក្កដា ឆ្នាំ១៩៤៧ - ២៧ កក្កដា ឆ្នាំ២០១៨) នាព្រឹកថ្ងៃទី ២០ កក្កដា លោក Nguyen Xuan Phuc នាយករដ្ឋមន្ដ្រីវៀតណាមនិងគណៈប្រតិភូរដ្ឋាភិបាលនិងថ្នាក់ដឹកនាំខេត្ដ Nghe An បានទៅអុជធូបគោរពវិញ្ញាណក្ខន្ធលោកប្រធានហូជីមិញ និងដាក់កម្រងផ្កានៅមណ្ឌលកេរ្ដិ៍ដំណែល Kim Lien នៅស្រុក Nam Dan ខេត្ដ Nghe An។
    |
 |
|
លោកនាយករដ្ឋមន្ដ្រី Nguyen Xuan Phuc អុជធូបនៅមណ្ឌលកេរ្ដិ៍ដំណែល Kim Lien (រូបថត៖ vnanet.vn) |
លោក Nguyen Xuan Phuc និងគណៈប្រតិភូបានសម្តែងនូវការដឹងគុណយ៉ាងជ្រាលជ្រៅចំពោះការរួមចំណែកយ៉ាងធំធេងរបស់លោកប្រធានហូជីមិញ វីរបុរសជាតិ អគ្គមគ្គុទេ្ទសដ៏ឆ្នើមនៃចលនាកម្មករ និងរំដោះជាតិនៅលើពិភពលោក។
បន្ទាប់មក លោកនាយករដ្ឋមន្ដ្រី Nguyen Xuan Phuc និងគណៈប្រតិភូបានទៅអុជធូបនិងដាក់កម្រងផ្កានៅមណ្ឌលកេរ្ដិ៍ដំណែលប្រវត្ដិសាស្ដ្រ Truong Bon នៅឃុំ My Son ស្រុក Do Luong ខេត្ដ Nghe An និងសំដែងនូវការដឹងគុណចំពោះការរួមចំណែកយ៉ាងធំធេងរបស់វីរជនដែលពលីដើម្បីឯករាជ្យ និងសេរីភាពរបស់មាតុភូមិ៕
បកប្រែដោយ Pham Diep