គណៈប្រតិភូបក្សកុម្មុយនិស្ដវៀតណាមចូលរួមវេទិកា Sao Paulo លើកទី ២៤ នៅប្រទេសគុយបា
កប.អនឡាញ - ពីថ្ងៃទី ១៤ ដល់ថ្ងៃទី ១៧ ខែកក្កដា វេទិកា Sao Paulo លើកទី ២៤ ដោយគណបក្សកុម្មុយនិស្ដគុយបារៀបចំឡើងនៅរដ្ឋធានី ឡាហាវ៉ាន ប្រទេសគុយបា ដោយមានការចូលរួមពីគណៈប្រតិភូអន្ដរជាតិចំនួន ៦២៥ នាក់ និងថ្នាក់ដឹកនាំមកពីគណបក្សនយោបាយជាង ១២០ និងអង្គការសង្គមឆ្វេងនិយមមកពីប្រទេសចំនួន ៥៦ នៅតំបន់អាមេរិកឡាទីន និងលើពិភពលោក។
    |
 |
|
លោក Nguyen Duc Loi ចូលរួមវេទិកា (រូបថត៖ vnanet.vn) |
គណៈប្រតិភូបក្សកុម្មុយនិស្ដវៀតណាមដឹកនាំដោយលោក Nguyen Duc Loi សមាជិកមជ្ឈិមបក្ស អគ្គនាយកនៃទីភ្នាក់ងារសារព័ត៌មានវៀតណាមអញ្ជើញចូលរួម និងថ្លែងបទអន្ដរាគមន៍អំពីចំណងទំនាក់ទំនងពិសេសរបស់សពប្រធាន Fidel Castro ជាមួយវៀតណាម។
ក្នុងក្របខ័ណ្ឌនៃវេទិកានេះ គណៈប្រតិភូទាំងអស់បានផ្តោតលើការវិភាគ និងការផ្លាស់ប្តូរទស្សនៈអំពីស្ថានភាពក្នុងតំបន់ និងអន្ដរជាតិ ដោយសង្កត់ធ្ងន់លើសារៈសំខាន់នៃឯកសារ "ការឯកភាពនៅទ្វិបអាមេរិក" ក្នុងការប្រមូលផ្តុំកងកម្លាំង បង្កើតវិធានការដើម្បីប្រឆាំងនឹងចក្រពត្តិ និងពិភាក្សាលើប្រធានបទអំពីប្រព័ន្ធផ្សព្វផ្សាយនៅក្នុងស្ថានការណ៍ថ្មី ការធ្វើសមាហរណកម្ម និងកសាងសាមគ្គីភាពក្នុងក្រុមឆ្វេងនិយមនៅទ្វិបអាមេរិកឡាទីន និងការីបៀន ក៏ដូចជាមនោគមវិជ្ជាបដិវត្តន៍របស់អគ្គមគ្គុទេស Fidel Castro, ជ័យជម្នះរបស់ក្រុមឆ្វេងនិយមមិកស៊ីកនិងការប៉ះពាល់ចំពោះចលនាឆ្វេងនិយមនៅអាមេរិកឡាទីន៕
បកប្រែដោយ Pham Diep