លោកនាយឧត្តមសេនីយ៍ Ngo Xuan Lich មកសួរសុខទុក្ខអតីតថ្នាក់ដឹកនាំបក្ស និងក្រសួងការពារប្រទេស

លោកនាយឧត្តមសេនីយ៍ Ngo Xuan Lich មកសួរសុខទុក្ខ និងជូនអំណោយលោក Le Kha Phieu

ក្នុងនាមគណៈកម្មាធិការបក្សយោធាមជ្ឈិម និងក្រសួងការពារប្រទេសវៀតណាមលោក Ngo Xuan Lich បានប្រសិទ្ធិពរជូនលោក Le Kha Phieu និងលោក Phung Quang Thanh ឲ្យមានសុខភាពល្អ បរិបូរ បន្តរួមចំណែកយ៉ាងសំខាន់ក្នុងបុព្វហេតុបដិវត្តន៍របស់បក្ស រដ្ឋ និងបុព្វហេតុកសាងកងទ័ព និងពង្រឹងការការពារប្រទេស។

លោកនាយឧត្តមសេនីយ៍ Ngo Xuan Lich ក៏បានរាយការណ៍យ៉ាងសង្ខេបអំពីលទ្ធផលលេចធ្លោក្នុងសកម្មភាពយោធា ការការពារប្រទេស ដែលកងទ័ពទាំងមូលសម្រេចបានក្នុងរយៈពេលកន្លងមក ព្រមទាំងរាល់សកម្មភាពតបស្នងសងគុណចំពោះអ្នកមានគុណូបការៈក្នុងឱកាសរំលឹកខួបលើកទី៧១ ទិវាអតីតយុទ្ធជនពិការ អតីតយុទ្ធជនពលីផងដែរ។ 

លោកនាយឧត្តមសេនីយ៍ Ngo Xuan Lich មកសួរសុខទុក្ខ និងជូនអំណោយលោកនាយឧត្តមសេនីយ៍ Phung Quang Thanh

បង្ហាញនូវក្តីសប្បាយរីករាយយ៉ាងក្រៃលែងចំពោះរាល់សមិទ្ធផលទាំងឡាយដែលកងទ័ពទាំងមូលសម្រេចបានក្នុងរយៈពេលកន្លងមក លោក Le Kha Phieu និងលោក Phung Quang Thanh បានសម្តែងការជឿជាក់យ៉ាងមោះមុតថា ក្រោមការដឹកនាំរបស់បក្ស ក្រសួងការពារប្រទេស កងទ័ពវៀតណាមនឹងកាន់តែមានការរីកធំលូតលាស់ ហើយនឹងបំពេញការងារយ៉ាងល្អឥតខ្ចោះទាំងអស់ប្រកបដោយជោគជ័យ៕

បកប្រែដោយ Minh Trung