លោកនាយករដ្ឋមន្ត្រីវៀតណាម Nguyen Xuan Phuc ទទួលជួបរដ្ឋមន្រ្តីក្រសួងការបរទេសអាល់ហ្សេរី
កប.អនឡាញ - នារសៀលថ្ងៃ១៣ កក្កដា នៅទីស្នាក់ការរដ្ឋាភិបាលវៀតណាម លោក Nguyen Xuan Phuc បានទទួលជួបរដ្ឋមន្រ្តីក្រសួងការបរទេសអាល់ហ្សេរី លោក Abdelkader Messahel ដែលកំពុងបំពេញទស្សនកិច្ចផ្លូវការនៅវៀតណាម។
|
|
លោក Nguyen Xuan Phuc ទទួលជួបលោក Abdelkader Messahel (រូបថត៖ vnanet.vn) |
លោក Abdelkader Messahel បានវាយតំលៃខ្ពស់ចំពោះការចែករំលែករបស់លោក Nguyen Xuan Phuc ស្ដីពីបទពិសោធន៍ក្នុងការអភិវឌ្ឍសេដ្ឋកិច្ច សង្គមរបស់វៀតណាម។ លោកក៏ឯកភាពជាមួយលោកនាយករដ្ឋមន្ត្រីវៀតណាមអំពីការជម្រុញជំនួបប្រាស្រ័យរវាងសហគ្រាសនៃប្រទេសទាំងពីរ ជម្រុញទំនាក់ទំនងលើវិស័យសេដ្ឋកិច្ច ពាណិជ្ជកម្ម និងវិនិយោគទ្វេភាគី។
លោក Abdelkader Messahel បានឲ្យដឹងថា អាល់ហ្សេរីតែងតែគាំទ្រវៀតណាមជាបេក្ខភាពសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិនីតិកាល ២០២០-២០២១ និងមានបំណងវៀតណាមគាំទ្រអាល់ហ្សេរីក្លាយទៅជាសមាជិកអង្គការពាណិជ្ជកម្មពិភពលោក (WTO)។
លោក Nguyen Xuan Phuc បានបញ្ជាក់ទំនាក់ទំនងមិត្តភាព និងកិច្ចសហប្រតិបត្តិការល្អប្រសើររវាងប្រទេសទាំងពីរនៅពេលកន្លងមក។ លោកថ្លែងថា វៀតណាមតែងតែធ្វើអស់ពីកម្លាំងកាយចិត្តដើម្បីពង្រឹង និងពង្រីកទំនាក់ទំនងល្អប្រសើរនេះឲ្យអភិវឌ្ឍន៍ និងស៊ីជម្រៅថែមទៀត។ វៀតណាមក៏គាំទ្រអាល់ហ្សេរីចូលរួមអង្គការ WTO និងត្រៀមជាស្រេចបញ្ជូនកម្មាភិបាល និងអ្នកជំនាញការទៅជួយអាល់ហ្សេ៕
បកប្រែដោយ Thuy Anh