អគ្គលេខាបក្សកុម្មុយនិស្តវៀតណាម ទទួលជួបលោករដ្ឋមន្រ្តីការបរទេសសហរដ្ឋអាមេរិក

អគ្គលេខាបក្សលោក Nguyen Phu Trong ទទួលជួបរដ្ឋមន្រ្តីការបរទេសសហរដ្ឋអាមេរិក លោក Mike Pompeo (រូបថត៖ vnanet.vn)

ភាគីទាំងពីរបានពិភាក្សាការងារ (រូបថត៖ vnanet.vn)

ក្នុងជំនួបនេះលោក Mike Pompeo បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការលើច្រើនវិស័យប្រកបដោយប្រសិទ្ធភាព និងសម្បូរបែបរវាងប្រទេសទាំងពីរ ព្រមទាំងលោកបានបញ្ជាក់ថា សហរដ្ឋអាមេរិកយកចិត្តទុកដាក់យ៉ាងខ្លាំង និងមានគោលបំណងចង់ពង្រឹង និងពង្រីកបន្ថែមទៀតកិច្ចសហប្រតិបត្តិការលើគ្រប់វិស័យជាមួយវៀតណាម និងផ្តល់ជំនួយដល់វៀតណាមក្នុងការពុះពារផលវិបាកពីសង្រ្គាម បន្តគាំទ្រតួនាទីស្នូលរបស់អាស៊ានក្នុងតំបន់ឥណ្ឌា - ប៉ាស៊ីហ្វ៊ីក ការធ្វើនាវាចរណ៍លើផ្ទៃសមុទ្រដោយសេរី ការដោះស្រាយវិវាទទាំងឡាយនៅសមុទ្រខាងកើតដោយឈរលើមូលដ្ឋានគោរពច្បាប់អន្តរជាតិជាដើម។

លោក Nguyen Phu Trong បានសម្តែងការជឿជាក់ថា ដំណើរទស្សនកិច្ចរបស់លោក Mike Pompeo លើកនេះនឹងរួមចំណែកយ៉ាងសកម្មក្នុងការជំរុញឲ្យអនុវត្តនូវរាល់កិច្ចព្រមព្រៀងជាន់ខ្ពស់នៃប្រទេសទាំងពីរ រួមទាំងការលើកកម្ពស់ប្រសិទ្ធភាពនៃកិច្ចសហប្រតិបត្តិការលើគ្រប់វិស័យ ការបង្កើនការសម្របសម្រួលជំនះផលវិបាកនៃសង្គ្រាម។ លោកអគ្គលេខាបក្សក៏បានបញ្ជាក់ដែរថា គោលនយោបាយដោយមិនងាករេរបស់បក្ស រដ្ឋវៀតណាម គឺយកចិត្តទុកដាក់យ៉ាងខ្លាំងចំពោះទំនាក់ទំនងជាមួយសហរដ្ឋអាមេរិក ហើយជឿជាក់យ៉ាងមោះមុតថា ទំនាក់ទំនងនៃកិច្ចសហប្រតិបត្តិការភាពជាដៃគូលើគ្រប់ជ្រុងជ្រោយរវាងវៀតណាម និងសហរដ្ឋអាមេរិក នឹងកាន់តែអភិវឌ្ឍដើម្បីផលប្រយោជន៍នៃប្រទេសទាំងពីរ៕

បកប្រែដោយ Minh Trung