ទីក្រុងហូជីមិញប្រារព្ធខួបលើកទី៤៥ នៃការបង្កើតទំនាក់ទំនងការទូតរវាងវៀតណាមនិងអ៊ីតាលី
កប.អនឡាញ - នៅថ្ងៃទី២០ ខែមិថុនា គណៈកម្មាធិការប្រជាជនទីក្រុងហូជីមិញបានប្រារព្ធខួបលើកទី៤៥ នៃការបង្កើតទំនាក់ទំនងការទូតរវាងវៀតណាម និងអ៊ីតាលី (1973-2018)។
    |
 |
|
លោក Le Thanh Liem អនុប្រធានអចិន្ត្រៃយ៍នៃគណៈកម្មាធិការប្រជាជនទីក្រុងហូជីមិញថ្លែងក្នុងពិធី( រូបថត៖ vnanet.vn) |
ថ្លែងនៅពិធីនេះ លោក Le Thanh Liem អនុប្រធានអចិន្ត្រៃយ៍នៃគណៈកម្មាធិការប្រជាជនទីក្រុងហូជីមិញបានអោយដឹងថា នាពេលកម្លងមក វៀតណាម និងអ៊ីតាលីមានការផ្លាស់ប្តូរគណៈប្រតិភូជាន់ខ្ពស់យ៉ាងទៀងទាត់ ដោយរួមមានដំណើរទស្សនកិច្ចរបស់នាយករដ្ឋមន្រ្តីអ៊ីតាលីលោក Matteo Renzi និងប្រធានាធិបតីអ៊ីតាលី លោក Sergio Mattarella មកកាន់ប្រទេសវៀតណាម ក្នុងឆ្នាំ២០១៤ និងឆ្នាំ២០១៥ និងដំណើទស្សនិច្ចកិច្ចទៅកាន់ប្រទេសអ៊ីតាលីរបស់អគ្គលេខាបក្សកុម្មុយនិស្តវៀតណាម លោក Nguyen Phu Trong និងប្រធានរដ្ឋវៀតណាម លោក Tran Dai Quang នៅឆ្នាំ២០១៦។
លើសពីនេះទៀត គណៈប្រតិភូគ្រប់ជាន់ថ្នាក់នៃប្រទេសទាំងពីរបានធ្វើទស្សនា ជួបជុំធ្វើការ ផ្លាស់ប្តូរបទពិសោធន៍ និងបង្កើនកិច្ចសហប្រតិបត្តិការលើវិស័យឯកទេសជាច្រើន។ ប្រទេសទាំងពីរបានសហការយ៉ាងជិតស្និទ្ធក្នុងវេទិកាពហុភាគី និងអន្តរជាតិ និងជំរុញការផ្លាស់ប្តូរពាណិជ្ជកម្ម ការវិនិយោគ និងពង្រឹងកិច្ចសហប្រតិបត្តិការលើវិស័យអប់រំ ទេសចរណ៍ និងវិទ្យាសាស្រ្ត ។ល។
ថ្លែងនៅពិធីនេះ លោក Dante Brandi អគ្គកុងស៊ុលអ៊ីតាលីប្រចាំនៅទីក្រុងហូជីមិញឲ្យដឹងថា ប្រទេសទាំងពីរគួរតែពង្រឹង និងពង្រីកទំនាក់ទំនងនៃកិច្ចសហប្រតិបត្តិការលើគ្រប់វិស័យ ជាពិសេសនៅក្នុងវិស័យដែលមានការយកចិត្តទុកដាក់រួមគ្នារ៕
បកប្រែដោយ Thanh Cong