អបអរសាទរទិវាសារព័ត៌មានបដិវត្តន៍វៀតណាម
កប.អនឡាញ - ក្នុងឱកាសរំលឹកខួបលើកទី៩៣ នៃទិវាសារព័ត៌មានបដិវត្តន៍វៀតណាម (21-6-1925/21-6-2018) នាថ្ងៃទី១៨ និងថ្ងៃទី១៩ ខែមិថុនា ថ្នាក់ដឹកនាំបក្ស រដ្ឋ និងស្ថាប័ននានារបស់វៀតណាមបានជូនពរកាសែតកងទ័ពប្រជាជនវៀតណាមដោយរួមមានលោក Tran Dai Quang ប្រធានរដ្ឋ លោក Nguyen Xuan Phuc នាយករដ្ឋមន្ត្រី លោក Vo Van Thuong ប្រធានគណៈកម្មាធិការឃោសនាអប់រំមជ្ឈិម លោក Truong Hoa Binh ឧបនាយករដ្ឋមន្រ្តី លោក Pham Binh Minh ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស លោក Mai Tien Dung រដ្ឋមន្ត្រី និងជាប្រធានខុទ្ទការល័យរដ្ឋាភិបាល រួមជាមួយថ្នាក់ដឹកនាំស្ថាប័ននានាបានជូនកន្រ្តកផ្កាជូនពរចំពោះកាសែតកងទ័ពប្រជាជន។
|
|
លោកស្រី Ngo Thi Thanh Hang ប្រគល់ផ្កាជូនកាសែតកងទ័ពប្រជាជន |
* នៅព្រឹកថ្ងៃទី១៩ ខែមិថុនា កាសែតកងទ័ពប្រជាជនបានរៀបចំពីធីជួបជុំជាមួយជំនាញការស្តីពីការកសាងបក្ស។ លោកឧត្តមសេនីយ៍ត្រី Pham Van Huan លេខាគណៈកម្មាធិការបក្ស និងជាអគ្គនិពន្ធនាយកកាសែតកងទ័ពប្រជាជនវៀតណាមបានធ្វើជាអធិបតីក្នុងពិធីនេះ។
នៅក្នុងជំនួបនេះ អ្នកចូលរួមទាំងឡាយបានបញ្ជាក់ថា កាសែតកងទ័ពប្រជាជនបានលើកកម្ពស់ប្រពៃណីនៃការកសាង និងអភិវឌ្ឍ ហើយក៏ជាកាសែតមួយដែលអនុវត្តបានល្អនូវការផ្សព្វផ្សាយអំពីការកសាងបក្ស។ ខ្លឹមសារនៃការផ្សព្វផ្សាយបានឆ្លុះបញ្ចាំងពីបញ្ហាសំខាន់ៗក្នុងសង្គម។
អ្នកចូលរួមរំពឹងទុកថា ក្នុងរយៈពេលខាងមុខនេះ កាសែតកងទ័ពប្រជាជននឹងបន្តលើកកម្ពស់ការផ្សព្វផ្សាយអំពីការកសាងបក្ស និងពង្រឹងការផ្សាយអំពីមតិយោបល់និងគោលបំណងរបស់កម្មាភិបាល បក្ខជន និងប្រជាជននៅមូលដ្ឋាន ព្រមទាំងផ្សាយអំពីគោលការណ៍របស់បក្ស គោលនយោបាយ និងច្បាប់របស់រដ្ឋ៕
បកប្រែដោយ Duy Hoan