សកម្មភាពរបស់នាយករដ្ឋមន្ត្រីវៀតណាមលោក Nguyen Xuan Phuc នៅប្រទេសអូស្ត្រាលី
កប.អនឡាញ - បន្តសកម្មភាពក្នុងក្របខ័ណ្ឌដំណើរទស្សនកិច្ចជាផ្លូវការនៅប្រទេសអូស្ត្រាលី និងចូលរួមកិច្ចប្រជុំជាន់ខ្ពស់ពិសេសអាស៊ាន - អូស្ត្រាលី នាថ្ងៃទី១៦ មិនា បន្ទាប់ពីទៅដល់ទីក្រុងស៊ីដនី នៃរដ្ឋ New South Wales លោកនាយករដ្ឋមន្ត្រី Nguyen Xuan Phuc បានទទួលជួបអគ្គទេសាភិបាលរដ្ឋ New South Wales លោកស្រី Gladys Berejiklian និងជួបទេសាភិបាលរដ្ឋ លោក David Hurley។
នៅឱកាសនេះ លោកនាយករដ្ឋមន្ត្រី Nguyen Xuan Phuc បានសម្ដែងនូវបំណងចង់ឲ្យរដ្ឋ New South Wales បន្តជម្រុញកិច្ចសហប្រតិបត្តិការជាមួយវៀតណាម ពង្រីកថែមទៀតកិច្ចសហប្រតិបត្តិការជាមួយតំបន់មូលដ្ឋានវៀតណាម រួមចំណែកជម្រុញទំនាក់ទំនងភាពជាដៃគូយុទ្ធសាស្រ្តរវាងវៀតណាម និងអូស្ត្រាលីឲ្យស៊ីជម្រៅ នាំមកនូវផលប្រយោជន៍សម្រាប់ប្រជាជននៃប្រទេសទាំងពីរ។
លោកស្រី Gladys Berejiklian វាយតំលៃខ្ពស់ចំពោះកិច្ចសហប្រតិបត្តិការរបស់វៀតណាមជាមួយរដ្ឋ New South Wales និយាយរួម និងទីក្រុងស៊ីដនីនិយាយដោយឡែក។ លោកស្រីសង្កត់ធ្ងន់ថា ជាមួយការបង្កើតទំនាក់ទំនងភាពជាដៃគូយុទ្ធសាស្រ្ត អូស្ត្រាលីនិងវៀតណាមនឹងមានឱកាសថែមទៀតក្នុងការបើកទូលាយកិច្ចសហប្រតិបត្តិការលើវិស័យជាច្រើន។ ទេសាភិបាលរដ្ឋ លោក David Hurley បានសម្ដែងនូវក្តីសប្បាយរីករាយចំពោះនិស្សិតវៀតណាមជាច្រើនដែលមានការចាប់អារម្មណ៍ដល់សាកលវិទ្យាល័យនៅរដ្ឋ New South Wales។ ប្រទេសអូស្ត្រាលីបាននិងកំពុងបញ្ជូននិសិ្សតទៅសិក្សានៅវៀតណាមតាមផែនការ Colombo ថ្មី។ លោក David Hurley បានបញ្ជាក់ថា នឹងលើកទឹកចិត្តនិស្សិតអូស្ត្រាលីឲ្យរៀនភាសាវៀតណាមទៀត។ លោកនាយករដ្ឋមន្ត្រី Nguyen Xuan Phuc បានថ្លែងអំណរគុណ និងមានបំណងថាអាជ្ញាធររដ្ឋ New South Wales បន្តបង្កលក្ខណៈងាយស្រួលឲ្យអាណិកជនវៀតណាមនៅរដ្ឋនេះ។
|
|
លោកនាយករដ្ឋមន្ត្រី Nguyen Xuan Phuc ទទួលជួបលោកស្រី Marie Bashir អតីតអគ្គទេសាភិបាលរដ្ឋ New South Wales (រូបថត៖ vnanet.vn) |
នារសៀលថ្ងៃដដែល លោកនាយករដ្ឋមន្ត្រី Nguyen Xuan Phuc បានទទួលជួបលោកស្រី Marie Bashir អតីតអគ្គទេសាភិបាលរដ្ឋ New South Wales។ លោកនាយករដ្ឋមន្ត្រី Nguyen Xuan Phuc មានបំណង់ថា លោកស្រី Marie Bashir បន្តរួមចំណែកបង្កើនកិច្ចសហប្រតិបត្តិការរវាងរដ្ឋ New South Wales និងវៀតណាម។ លោកស្រី Marie Bashir បានបញ្ជាក់ថា នឹងធ្វើអស់ពីកម្លាំងកាយចិត្តដើម្បីរួមចំណែកក្នុងការពង្រីកទំនាក់ទំនងមិត្តភាព និងទំនាក់ទំនងភាពជាដៃគូយុទ្ធសាស្រ្តរវាងវៀតណាម និងអូស្ត្រាលី។
នារសៀលថ្ងៃទី១៦ មិនា លោកនាយករដ្ឋមន្ត្រី Nguyen Xuan Phuc បានជួបសំណេះសំណាលជាមួយសម្ព័ន្ធក្រុមហ៊ុន និងវិនិយោគិនមួយចំនួនរបស់វៀតណាមនិងអូស្ត្រាលីផងដែរ។
|
|
លោកនាយករដ្ឋមន្ត្រី Nguyen Xuan Phuc ចូលរួមវេទិកាសហគ្រាសវៀតណាម-អូស្ត្រាលី (រូបថត៖ vnanet.vn) |
នារសៀលថ្ងៃដដែល វេទិកាសហគ្រាសវៀតណាម-អូស្ត្រាលីបានប្រព្រឹត្តទៅដោយមានការអញ្ជើញចូលរួមរបស់លោក James McGrath រដ្ឋមន្រ្តី ជំនួយការនាយករដ្ឋមន្រ្តីអូស្រ្តាលី និងសហគ្រាស វិនិយោគិនជាច្រើននៃប្រទេសទាំងពីរ។
នៅវេទិការនេះ លោកនាយករដ្ឋមន្ត្រី Nguyen Xuan Phuc បានអញ្ជើញជាសាក្សីការផ្លាស់ប្តូរឯកសារសហប្រតិបត្តិការ និងធ្វើអាជីវកម្មចំនួន១៨ ច្បាប់រវាងសហគ្រាស និងស្ថាប័ននៃប្រទេសទាំងពីរ។
នាថ្ងៃទី១៦ មិនា លោកនាយករដ្ឋមន្ត្រី Nguyen Xuan Phuc និងលោក James McGrath បានអញ្ជើញចូលរួមជាសាក្សីក្នុងពិធីចុះហត្ថលេខាលើកិច្ចព្រមព្រៀងសហការបើកជើងហោះហើរត្រង់ពីទីក្រុងហូជីមិញទៅទីក្រុង Brisbane៕
បកប្រែដោយ Thuy Anh