រួមចំណែកក្នុងការអភិវឌ្ឍរួមរបស់ចំណងមិត្តភាពវៀតណាម - អាមេរិក
កប.អនឡាញ - នារសៀល ថ្ងៃទី១៣ មិនា នៅទីក្រុងហាណូយ ថ្នាក់ដឹកនាំសមាគមវៀតណាម - អាមេរិក (ចំណុះសហព័ន្ធសមាគមមិត្តភាពវៀតណាម) បានទទួលជួបគណៈប្រតិភូសាកលវិទ្យាល័យ Vassar របស់អាមេរិក ដឹកនាំដោយសាស្រ្តាចារ្យ បណ្ឌិត Robert Kendall Brigham ដែលកំពុងបំពេញទស្សនកិច្ចការងារនៅវៀតណាម ពីថ្ងៃទី១២ ដល់ទី ២៣ មិនា។
    |
 |
|
ទិដ្ឋភាពកិច្ចជំនួប (រូបថត៖ dangcongsan.vn) |
ដំណើរទស្សនកិច្ចនេះ របស់សាកលវិទ្យាល័យ Vassar គឺសំដៅស្វែងយល់អំពីស្ថានភាពប្រវត្តិសាស្រ្ត ទឹកដី មនុស្ស ការធ្វើសមាហរណកម្មរបស់វៀតណាម។ ទន្ទឹមនឹងនោះ គណៈប្រតិភូសាកលវិទ្យាល័យ Vassar ក៏មានបំណងផ្លាស់ប្តូរអំពីកិច្ចសហប្រតិបត្តិការជាមួយសមាគមវៀតណាម - អាមេរិក និងសហព័ន្ធសមាគមមិត្តភាពវៀតណាម សំដៅរួមចំណែកក្នុងការអភិវឌ្ឍរួមរបស់ចំណងមិត្តភាពវៀតណាម - អាមេរិក។
ក្នុងក្របខ័ណ្ឌនៃដំណើរទស្សនកិច្ចលើកនេះ គណៈប្រតិភូសាកលវិទ្យាល័យ Vassar នឹងជួបធ្វើការជាមួយក្រសួងការបរទេសវៀតណាម វិទ្យាស្ថានស្រាវជ្រាវសេដ្ឋកិច្ចមជ្ឈិម និងសមាគមអ្នកនិពន្ធវៀតណាម៕
បកប្រែដោយ Thuy Anh