ឆ្នាំ២០១៧ វៀតណាមទទួលបានជោគជ័យបំផុតក្នុងកិច្ចការបរទេស
កប.អនឡាញ - នាថ្ងៃទី១៥ ខែមករា ក្រសួងការបរទេសវៀតណាមបានរៀបចំកិច្ចប្រជុំបូកសរុបការងារឆ្នាំ២០១៧ និងកំណត់ទិសដៅភារកិច្ចសម្រាប់ ឆ្នាំ២០១៨ ។ លោកឧបនាយករដ្ឋមន្ត្រី Pham Binh Minh រដ្ឋមន្រ្តីក្រសួងការបរទេសអញ្ជើញជាអធិបតីក្នុងកិច្ចប្រជុំនេះ
ឆ្នាំ២០១៧ បានវាយតម្លៃជាឆ្នាំដែលទទួលបាននូវជោគជ័យ ដ៏ត្រចះត្រចង់បំផុតសំរាប់កិច្ចការបរទេសវៀតណាម។ សកម្មភាពការទូតដែលត្រូវបានអនុវត្តព្រមៗគ្នា របស់ បក្ស រដ្ឋ និង ប្រជាជន។ទំនាក់ទំនងជាមួយដៃគូសំខាន់ ដូចជា ប្រទេសជិត ខាង និង ប្រទេសមហាអំណាចនានាកាន់តែស៊ីជម្រៅ ស្ថិរភាព និង ចីរភាព។ ជាពិសេស ការរៀបចំឆ្នាំ APEC វៀតណាម ២០១៧ ប្រកបដោយជោគជ័យ បានរួមចំណែកបញ្ជាក់ពីប្រាជ្ញា និងតួនាទី នៃកិច្ចការបរទេសពហុភាគីរបស់វៀតណាម។
|
|
លោកឧបនាយករដ្ឋមន្ត្រី Pham Binh Minh រដ្ឋមន្រ្តីក្រសួងការបរទេសថ្លែងមតិក្នុងកិច្ចប្រជុំ |
ថ្លែងមតិក្នុងកិច្ចប្រជុំនេះ លោកឧបនាយករដ្ឋមន្ត្រី Pham Binh Minh រដ្ឋមន្រ្តីក្រសួងការបរទេសបានអះអាងថា សមិទ្ធិផលនៃកិច្ចការបរទេសដែលសម្រេចបានក្នុងឆ្នាំ ២០១៧ គឺអាស្រ័យទៅលើការដឹកនាំពីថ្នាក់ដឹកនាំបក្ស និងរដ្ឋ ព្រមទាំងការសហការគ្នាយ៉ាងខ្ជាប់ខ្ជួនរវាងបុគ្គលិកទទួលបន្ទុកកិច្ចការបរទេស និងការរួមវិភាគទានដ៏សំខាន់របស់ប្រព័ន្ធនយោបាយទាំងមូល។
លោក Pham Binh Minh មានប្រសាសន៍ទៀតថា ការទូតគប្បីបន្តប្រកាន់ភ្ជាប់តាមភារកិច្ចនៃកិច្ចការបរទេសដែលបានកំណត់ក្នុងសេចក្តីសម្រចចិត្តរបស់មហាសន្និបាតលើកទី១២ របស់បក្សកុម្មុយនិស្តវៀតណាម ម្យ៉ាងទៀតលើកកំពស់ស្មារតីច្នៃប្រឌិត និងបុរេសកម្ម ដើម្បីបង្កើនថែមទៀតនូវប្រសិទ្ធភាពក្នុងសកម្មភាពការទូត។ ភារកិច្ចមានសារសំខាន់បំផុតគឺបន្តរក្សាបរិយាកាសប្រកបដោយ សន្តិភាព ស្ថិរភាព និងរក្សាឲ្យបានម៉ឹងមាត់នូវអធិបតេយ្យភាព បូរណភាពទឹកដី ព្រមទាំងលើកកំពស់ឧត្តមភាព និងជាកំលាំងរបស់ប្រទេសជាតិផងដែរ៕
បកប្រែដោយ Van Hoa