វៀតណាមបន្តជួយឧបត្ថម្ភដល់ឡាវក្នុងការអភិវឌ្ឍវិស័យសេដ្ឋកិច្ច-សង្គម
កប.អនឡាញ - នាថ្ងៃទី១៣ ខែមករា នៅទីស្នាក់ការ រដ្ឋាភិបាល លោកនាយករដ្ឋមន្ត្រីវៀតណាម Nguyen Xuan Phuc បានអញ្ជើញធ្វើជាអធិបតីក្នុងកិច្ចប្រជុំជាមួយ គណៈកម្មាធិការសហប្រតិបត្តិការវៀតណាម-ឡាវ និងក្រសួង ស្ថានប័នដែលពាក់ពាន់មួយចំនួនស្តីពីស្ថានភាពអនុវត្តកិច្ចសហប្រតិបត្តិការជាមួយឡាវក្នុង ឆ្នាំ២០១៧ និងទិសដៅសម្រាប់ឆ្នាំ ២០១៨។ អញ្ជើញចូលរួមកិច្ចប្រជុំនេះ ក៏មានវត្តមានរបស់ លោក ឧបនាយករដ្ឋមន្ត្រី Pham Binh Minh រដ្ឋមន្ត្រីក្រសួងការបរទេសវៀតណាមដែរ។
យោងតាមរបាយការណ៍របស់ក្រសួងផែនការ និងវិនិយោគវៀតណាម ក្នុងឆ្នាំ២០១៧ វៀតណាម-ឡាវបានផ្លាស់ប្តូរគណៈប្រតិភូគ្រប់ជាន់ថ្នាក់ចំនួន៣០០។ ក្នុងរយៈពេល ១១ ខែដើមឆ្នាំ ២០១៧ ទំហំពាណិជ្ជកម្ម វៀតណាម-ឡាវ សម្រេចបានលើសជាង ៨០៨ លានដុលារអាមេរិក កើនឡើងជិត ១០% ប្រៀបនឹងឆ្នាំ ២០១៦។ ភាគីទាំងពីរក៏អនុវត្តបណ្តាគម្រោងតភ្ជាប់លើវិស័យចរាចរណ៍ និង ដឹកជញ្ជូនក្នុងក្របខ័ណ្ឌនៃកិច្ចសហប្រតិបត្តិការទ្វេភាគី និងអនុតំបន់ជាដើមផងដែរ។ ក្នុងឆ្នាំ ២០១៧ កន្លងទៅ វៀតណាមក៏បានផ្តល់អាហារូបករណ៍ដល់និស្សិតឡាវចំនួន ១.២៤៦ នាក់មកសិក្សារៀនសូត្រនៅប្រទេសវៀតណាមដែរ។
|
|
លោក នាយករដ្ឋមន្ត្រីវៀតណាម Nguyen Xuan Phuc ថ្លែងមតិក្នុងកិច្ចប្រជុំ |
ថ្លែងមតិក្នុងកិច្ចប្រជុំនេះ លោកនាយករដ្ឋមន្ត្រី Nguyen Xuan Phuc មានប្រសាសន៍ថា ឆ្នាំ២០១៧ ជាឆ្នាំសាមគ្គីភាពវៀតណាម-ឡាវ និង ឡាវ-វៀតណាម។ ភាគីទាំងពីរបានរៀបចំពិធីរំលឹកខួបអនុស្សាវរីយ៍លើកទី ៥៥ នៃការបង្កើតទំនាក់ទំនងកាទូត និងរំលឹកខួបលើកទី ៤០ នៃការចុះហត្ថលេខាលើសន្ធិសញ្ញាមិត្តភាព និងកិច្ចសហប្រតិបត្តិការវៀតណាម-ឡាវ។ ក្នុងឆ្នាំ២០១៨ ភាគីទាំងពីរនឹងបន្តលើកកម្ពស់កិច្ចសហប្រតិបត្តិការទ្វេភាគី ដែលក្នុងនោះ មានការយកចិត្តទុកដាក់លើវិស័យមួយចំនួនដូចជាការធ្វើអាជីវកម្មកំពង់ផែ Vung Ang និង ផ្នែកអគ្គីសនីជាដើម។
ទោះបីជានៅតែមានការលំបាកជាច្រើនក៏ដោយ ក៏ប៉ុន្តែវៀតណាមបន្តជួយឧបត្ថម្ភដល់ប្រទេសឡាវក្នុងការអភិវឌ្ឍសេដ្ឋកិច្ច-សង្គមដោយមានស្មារតី«ជួយមិត្តគឺជាជួខ្លួនឯង» ជាពិសេសវិស័យសំខាន់ៗ៕
បកប្រែដោយ Van Hoa